Bəhreyn, 11.03.2022

Yeni nəsil bolidlər etibarlılıq baxımından gözlənilənləri vermirlər. Çox az komanda problemlərdən yaxa qurtara bilib. Üstəlik, bu il testlərin müddəti keçənilkindən daha çoxdur.

F-1.az bildirir ki, komandalar artıq yarış və sıralanma turu rejimində işləməyə keçirlər, lakin bu gün rekord sayda olan qırmızı bayraqlar proqramların tez-tez kəsilməsinə səbəb olub. Səhər və aşxam maşınla günortaya nisbətən daha sürətli olub.

Alpine komandası test gününü 4 hissəyə bölüb: Okon səhər sükan arxasına keçərək yumşaq təkərlərlə sürətli dövrələr vurub və protokollara başçılıq edib, daha sonra isə sərt təkərlərlə uzun məsafələr qət etməyə başlayıb. O, nahardan sonra əksini edib – əvvəlcə sərt təkərlərlə uzun dövrələr vurub, sonra isə yumşaq təkərlərlə səhərki proqramı təkrarlayıb. Bu, fransız üçün son test günüdür, sabah maşın Alonsoya həvalə ediləcək.

Williams-da Latifinin maşınındakı əyləc problemi sadə görünsə də, komandanın test gününün cəmi 12 dövrə ilə bitməsinə səbəb olub. Onlar sabah trasa qayıtmağa ümid edirlər. McLaren komandası Rikkardo xəstə olduğu üçün dünən onun əvəzinə Norrislə işləmişdi. Avstraliyalı pilot bu gün də testlərə çıxa bilməyib, Lando isə əyləc probleminə baxmayaraq, yarış məsafəsini qət etməyi bacarıb.

Şumaxer həm yağ sızmasına görə, həm də digər problemlərə görə lazımi məsafəni qət edə bilməyib. Nahardan sonra isə onu bir illik fasilədən qayıdan Maqnussen əvəzləyib. Mercedes üçün gün problemsiz keçib. Onlar sürət baxımından geridə görünürlər, lakin komanda hər zaman qış testlərini sürət nümayişinə yox, mövcud problemlərin həllinə sərf edir.

Latifidən sonra hidravlik problemlər yaşayan Bottasa, trasda dayanmalı olan Okon və Norrisə görə sessiya qırmızı bayraqlarla dayandırılıb. Testlərin normal vaxtında hələ ki ən güclü komanda təsiri bağışlayan Ferrari-nin sürücüsü Karlos Sayns hamıdan sürətli olub. Haas isə ilk gün itirilmiş vaxtın əvəzinə verilən əlavə bir saatı qısa dövrələrə həsr edib, nəticədə Kevin Maqnussen ilk iki günün ən yaxşı nəticəsi ilə hamını üstələyib – 1:33.207. Yuki Tsunoda isə 120 dövrə ilə trasda ən çox vaxt keçirən sürücü olub.

Sabah testlərə yekun vurulacaq.

Yer N Sürücü Komanda Zaman Fərq Dövrə Təkər
1 20 Kevin Maqnussen Haas 1:33.207 С4 60
2 55 Karlos Sayns Ferrari 1:33.532 + 0:00.325 C4 60
3 1 Maks Ferstappen Red Bull 1:34.011 + 0:00.804 C4 86
4 18 Ləns Stroll Aston Martin 1:34.064 + 0:00.857 C4 70
5 44 Lyuis Həmilton Mercedes AMG 1:34.141 + 0:00.934 C5 47
6 31 Esteban Okon Alpine 1:34.276 + 0:01.069 C4 111
7 16 Şarl Lekler Ferrari 1:34.366 + 0:01.159 C3 54
8 4 Lando Norris McLaren 1:34.609 + 0:01.402 C3 60
9 5 Sebastyan Fettel Aston Martin 1:36.020 + 0:02.813 C3 46
10 22 Yuki Tsunoda AlphaTauri 1:36.802 + 0:03.595 C3 120
11 77 Valtteri Bottas Alfa Romeo 1:36.987 + 0:03.780 C2 25
12 47 Mik Şumaxer Haas 1:37.846 + 0:04.639 C2 23
13 63 Corc Rassell Mercedes AMG 1:38.585 + 0:05.378 C2 Pr 67
14 6 Nikolas Latifi Williams 1:39.845 + 0:06.638 C2 Pr 12
15 24 Quanyu Çjou Alfa Romeo 1:41.805 + 0:06.777 C2 Pr 48
, , , , , ,

Bir cavab yazın

Sizin e-poçt ünvanınız dərc edilməyəcəkdir.

*

*

*