F-1.az xəbər verir ki, fransızlar bu il yeni bolidini təqdim edən 5-ci komanda olub. Xatırladaq ki, Renault keçən mövsüm Mühəndislər Kubokunda 6-cı yeri tutmuşdu və bu il daha yaxşı nəticə hədəfləyirlər. Fransızlar yeni mövsümdə də Niko Hülkenberq və Karlos Sayns cütlüyü ilə yarışacaqlar.

“Sarılar” 2016-cı və 2017-ci illərdə bolidlərini mətbuat önündə təqdim etsələr də, bu il şəkilləri sosial şəbəkələrdə yaymaqla kifayətləniblər. Bolid yenə də sarı-qara rənglərdə olacaq. Bundan başqa bolidə bu ildən əlavə edilən Halo da qara rəngdə olacaq. Boliddə ən çox diqqətçəkən məqam isə arxa tərəfin daha dar hazırlanması olub…