F-1.az xatırladır ki, dünənki sərbəst yürüşlərdə əvvəlcə Fernando Alonso, sonra isə Corc Raassell hamını üstələyib. Bu gün isə Maks Ferstappen quru havada protokollara başçılıq edib.
Pirelli buraya ən sərt üçlüyü – C1, C2 və C3 tərkiblərini gətirib.
İlk sessiyada Mercedes sürücüləri birinci cəhdləri üçün Medium təkərləri seçiblər, qalanları isə Soft təkərlərlə trasa çıxıblar. Lakin tərkiblər arasında fərq böyük olduğundan, onlar da qırmızı təkərlərə keçiblər. Norris trasdan çıxıb, Qasli isə əyləcdən şikayətlənib. Tsunoda qəfil əyləcə basaraq təkərlərini korlayıb. Elbonun nəticəsi trasdan tam çıxdığı üçün silinib. İlk cəhdində 1:30.224 nəticə göstərən Ferstappen sonra yenidən trasa çıxmasa da, liderliyini qoruyub. Latifi, Stroll, Maqnussen, Qasli və Elbon mübarizəni tərk ediblər.
İkinci Sessiyada hamı Soft təkərlərini seçib. Maks ilk sessiyadakından pis getsə də, protokollara başçılıq edib. o və Ferrari sürücüləri ilk üçlükdə qərarlaşıblar və ikinci cəhdlərindən imtina ediblər. Peres isə növbəti dövrəsində komanda yoldaşını üstələyib – 1:29.925. Alonso isə ikinci olub. Şumaxer, Çjou, Tsunoda, Bottas və Rikkardo üçün də sıralanma turu başa çatıb.
Son sessiyada Okon, Həmilton və Rassell işlənmiş, qalanları isə yeni təkərlərlə mübarizəyə başlayıblar. Təkərlərini qızdıran Ferstappen sürətli dövrəsində olan Norrisə mane olub, britaniyalı sürücü toqquşmadan yayınmaq üçün trasdan çıxmalı olub. İnsidentin sıralanma turundan sonra araşdırılacağı bildirilib. 1:29.304-lük nəticə göstərən Maks ilk cəhdində lider olub. Lekler növbəti cəhdində yaxşı gəlsə də, son sektorda səhvə yol verib və əsas rəqibinə cüzi fərqlə uduzub.
Beləliklə, Maks Ferstappen mövsümdə 5-ci, karyerasında isə 18-ci poulunu qazanıb. Əgər yer itirməklə cəzalandırılmasa, sabah ilk cərgəni Şarl Lekler ilə paylaşacaq. İkinci cərgədə Sayns və Peres, üçüncü cərgədə isə Okon və Həmilton qərarlaşacaq.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | ||||||
| Yer | Zaman | Dövrə | Yer | Zaman | Dövrə | Zaman | Dövrə | |||||
| 1 | 1 | Maks Ferstappen | Red Bull | 1 | 1:30.224 | 3 | 3 | 1:30.346 | 3 | 1 | 1:29.304 | 7 |
| 2 | 16 | Şarl Lekler | Ferrari | 3 | 1:30.402 | 3 | 9 | 1:30.486 | 3 | 2 | 1:29.314 | 7 |
| 3 | 55 | Karlos Sayns | Ferrari | 2 | 1:30.336 | 3 | 6 | 1:30.444 | 3 | 3 | 1:29.361 | 7 |
| 4 | 11 | Serxio Peres | Red Bull | 5 | 1:30.622 | 3 | 1 | 1:29.925 | 6 | 4 | 1:29.709 | 6 |
| 5 | 31 | Esteban Okon | Alpine | 6 | 1:30.696 | 6 | 4 | 1:30.357 | 6 | 5 | 1:30.165 | 6 |
| 6 | 44 | Kyuis Həmilton | Mercedes | 11 | 1:30.906 | 8 | 5 | 1:30.443 | 6 | 6 | 1:30.261 | 6 |
| 7 | 14 | Fernando Alonso | Alpine | 4 | 1:30.603 | 3 | 2 | 1:30.343 | 6 | 7 | 1:30.322 | 6 |
| 8 | 63 | Corc Rassell | Mercedes | 7 | 1:30.865 | 7 | 7 | 1:30.465 | 6 | 8 | 1:30.389 | 6 |
| 9 | 5 | Sebastyan Fettel | Aston Martin | 15 | 1:31.256 | 6 | 10 | 1:30.656 | 6 | 9 | 1:30.554 | 6 |
| 10 | 4 | Lando Norris | McLaren | 9 | 1:30.881 | 7 | 8 | 1:30.473 | 6 | 10 | 1:31.003 | 5 |
| 11 | 3 | Daniel Rikkardo | McLaren | 8 | 1:30.880 | 5 | 11 | 1:30.659 | 6 | |||
| 12 | 77 | Valtteri Bottas | Alfa Romeo | 14 | 1:31.226 | 6 | 12 | 1:30.709 | 6 | |||
| 13 | 22 | Yuki Tsunoda | AlphaTauri | 12 | 1:31.130 | 9 | 13 | 1:30.808 | 6 | |||
| 14 | 24 | Quanyu Çjou | Alfa Romeo | 10 | 1:30.894 | 6 | 14 | 1:30.953 | 6 | |||
| 15 | 47 | Mik Şumaxer | Haas | 13 | 1:31.152 | 6 | 15 | 1:31.439 | 6 | |||
| 16 | 23 | Aleksander Elbon | Williams | 16 | 1:31.311 | 6 | ||||||
| 17 | 10 | Pyer Qasli | AlphaTauri | 17 | 1:31.322 | 9 | ||||||
| 18 | 20 | Kevin Maqnussen | Haas | 18 | 1:31.352 | 6 | ||||||
| 19 | 18 | Ləns Stroll | Aston Martin | 19 | 1:31.419 | 6 | ||||||
| 20 | 6 | Nikolas Latifi | Williams | 20 | 1:31.511 | 8 | ||||||
