T.Volff: “Mübarizə sona qədər davam edəcək”

Mercedes Motorsport-un rəhbəri Toto Volff bildirib ki, Mercedes və Ferrari arasında çempionluq mübarizəsi son yarışa qədər davam edəcək.

F-1.az xatırladır ki, mövsümwn ilk 4 yarışından ikisini Mercedes, digər ikisini isə Ferrari qazanıb. Mühəndislər Kubokunda almanlar birinci yerdə olduqları halda, Sürücülər Çempionatında “qırmızılar”ın sürücüsü Sebastyan Fettel zirvədədir.

Toto Volff: “Komandalar arasındakı mübarizə son 3 ildəkinə nisbətən fərqli səviyyədədir. Ov olmaqla yanaşı, ovçu da olmalısınız. Diqqətimizi sadəcə işimizə yönləndirməliyik və bizim də etdiyimiz budur.

Çempionluq uğrunda iki komanda mübarizə aparır və Red Bull-un da oyuna qoşulmasını istəyirik. Sürücülər arasındakı yaxın mübarizə və Mühəndislər Kubokundakı birxallıq üstünlük komandalar arasındakı kiçik fərqləri göstərir. Bu mübarizə mövsümün son yarışına qədər davam edəcək və biz də savaşmağa hazırıq.

Mövsümöncəsi testlərdə İspaniyada möhtəşəm deyildik. Soçidən fərqli trasdır və orada daha sərt təkərlərdən istifadə edəcəyik. Əgər cümə günü yaxşı işləsək, qələbə uğrunda Ferrari ilə mübarizə apara bilərik”.

, , , , , ,

Bir cavab yazın

Sizin e-poçt ünvanınız dərc edilməyəcəkdir.

*

*

*