Həcəri Zandfortda, Monzada və Madriddə əvəz etmiş Liam Louson çıxışını Racing Bulls ilə davam etdirəcək, Yuki Tsunoda isə ehtiyat sürücü vəzifəsinə qayıdacaq.
“Red Bull Racing bu həftəsonu Ayzekin komandaya qayıtmasından məmnundur, – deyə yayımlanmış bəyanatda bildirilib. – Bilək zədəsindən uğurla bərpa olunduqdan sonra Ayzek cümə axşamı Bakıda trasda yenidən sükan arxasına qayıdacaq.
Komanda son üç yarışda göstərdiyi peşəkarlığa, işə sadiqliyinə və gördüyü işə görə Liama səmimi təşəkkürünü bildirir. O, çətin şəraitdə Ayzeki əvəz edib, bir neçə yarışı çox güclü keçirib və komandanın işinə mühüm töhfə verib. Ona ən xoş arzularımızı çatdırırıq və onu Racing Bulls-a qaytarırıq”.
Öz növbəsində, Racing Bulls-un mətbuat xidməti də Yuki Tsunodaya təşəkkür edib: “Liam bu həftəsonu yenidən bizim maşının sükanı arxasına qayıdır, çünki Ayzek bilək zədəsindən tam sağalıb.
Son üç yarışda Liamı əvəz etdiyinə, yüz faiz gücünü ortaya qoyduğuna və komandaya çox vacib xallar qazandırmağa kömək etdiyinə görə Yukiyə böyük təşəkkür edirik”.
