F-1.az xatırladır ki, avstriyalılar birinci qış testlərində əsas rəqibləri Ferrari və Mercedes-dən həm zaman nəticəsinə görə, həm də qət olunan məsafəyə görə geri qalıblar.
“Qırmızı öküzlər”in avstraliyalı sürücüsü Daniel Rikkardo son açıqlamasında bildirib ki, nəsə demək üçün hələ tezdir: “Testlər hələ yeni başlayıb və sürücülər trasa nəticələrini yaxşılaşdırmaq üçün çıxmırlar. Biz fərqli sazlanmalar üzərində işləyirik və vaxt keçdikcə inkişaf edəcəyik.
Amma Ferrari və Mercedes-in sürətli göründüklərini qəbul etməliyik. Onlarla eyni səviyyəyə gəlməli və mövsümə hazır formada başlamalıyıq.
Birinci testlərdə əldə etdiyimiz məlumatları dəyərləndirib, ikinci testlərə güclü başlayacağıq”.
