Ferrari komandası gələn həftə yeni F60-ın ilk ciddi testlərini planlaşdırdığı kimi Portimaoda deyil, ev trası olan Mücelloda keçirəcək. Komandanın nümayəndələri yeni Portuqaliya trasında yağış yağmasını vəd edən hava proqnozuna əsaslanırlar. Testlərin məsafəsi bu il ciddi dərəcədə azaldılıb və komandanın çempionata hazırlıq mərhələsində bir neçə günü hədər yerə itirmək istəmir.
Təəssüf ki, belə bir keçid yeni maşınalrın xarakteristikalarını müqayisə etməyə imkan verməyəcək – gələn həftə start götürəcək testlərdə birdən-birə beş komanda yeni maşınla çıxış etməli idi – Ferrari, Toyota, McLaren, Renault və Williams, amma qeyd edək ki, Ferrari-dən başqa heç bir komanda testləri təxirə salmaq barədə elan verməyib.