F-1.az xatırladır ki, Avstraliyada baş verən qəzada zədələnən Fernando Alonso Bəhreyn yarışına buraxılmamışdı və onu Stoffel Vandorn əvəz etmişdi. O, bu həftənin 4-cü günü bir daha həkimlərin müayinəsindən keçəcək və həkimlər onun yarışa çıxmasına icazə verməsələr, ardıcıl 2-ci yarışı da buraxmalı olacaq.
AS qəzetinin verdiyi xəbərə görə, Alonsonun 9-cu qabırğasındakı çat hələ də tam düzəlməyib. Amma bütün bunlara baxmayaraq, Fernando Çin Qran Prisində ciddi şəkildə hazırlaşır. Xəbərdə o da bildirilir ki, onun Bəhreyndə yarışa çıxmamasının səbəbi qabırğasındakı çat yox, ağciyərlərində yaranmış problemdir.
Alonsonun Şanxaya Edi Bedinelli və Fabritsio Borra adlı 2 həkimlə getdiyi bildirilir.
