F-1.az xatırladır ki, avstraliyalı sürücü Sinqapurda cümə gününü 1-ci, komanda yoldaşı Maks Ferstappen isə 2-ci yerdə bağlayıb.
Daniel Rikkardo: “Bolidimizin Sinqapur üçün əlverişli olduğunu bilirdik və bugünkü nəticəyə görə təəccüblü deyiləm. Təbii ki, sərbəst yürüşlər işin ən asan tərəfidir. Vacib olan isə bu tempimizi sıralanma turu və yarışda davam etdirməkdir. Sebastyan birinci sərbəst yürüşlərdə bizə yaxın idi və nahardan sonra hansı proqramda davam etdiklərini bilmirəm. Amma sabah böyük ehtimalla, yenə yaxın olacaqlar. Böyük bir mübarizəyə hazır olmalıyıq. Hazırda özümüzü yaxşı hiss edirik və həftəsonu ərzində əlimizdən gələni etməyə davam edəcəyik”.
