15 Oktyabr 2019, Çərşənbə axşamı - 03:04

Censon Battona təbriklər!

Censon Battona təbriklər!

Müəllif: Rəhim N.Əliyev, baş redaktor

09:56 - 21 Oktyabr, 2009

Müxtəlif nəsillərin Formula1 sürücüləri və avtoidman xadimləri Censon Battonu dünya çempionatındakı qələbəsi münasibətilə təbrik ediblər… Niki Lauda: “O öz işini […]

Müxtəlif nəsillərin Formula1 sürücüləri və avtoidman xadimləri Censon Battonu dünya çempionatındakı qələbəsi münasibətilə təbrik ediblər…

Niki Lauda: “O öz işini ideal yerinə yetirdi, bütün uğursuzluqlara və uğurlara baxmadan: o – əsil dünya çempionudur. Son nəticədə heç kim soruşmayacaq ki, sən necə çempion oldun, mənim özüm titulu yarım xal üstünlüklər qazanmışdım, amma bunun mənası yoxdur. Ən çətin iş çempion olmaqdır və o bunu edə bildi.”

Dəymon Hill: “Censon fantastik nəticə göstərdi. Keçən ilin sonunda o işsiz idi və bilmirdi ki, bu mövsüm onu nə gözləyəcək. Amma o hər şeyə dözdü və bu məni çox sevindirir.”

Ser Ceki Stüart: “Brawn GP əla işlədi, Ross isə əsil ustadır. Amma son nəticədə hər şey sürücüdən asılıdır və Censon hər şey düzgün etdi. Afərin!”

Berni Ekklstoun: “Amma hələ o rəsmən dünya çempionu deyil – Censon yalnız noyabrın sonunda bu adı alacaq, yəni FİA rəsmən bunu elan edəndən sonra. Censona kifayət qədər xal toplamaq lazım idi ki, onu heç kim keçə bilməsin və o bunu edə bildi. O bu ada layiqdir. Batton yaxşı işlədi.”

Kolin Hilton, Britaniyanın Avtoİdman Assosiasiyasının başçısı: “Biz hamımız Censona görə şadıq. Onun karyerasını izləyən hər bir kəs bilirdi ki, o çempion ola bilər. Bu il komanda ona yaxşı maşın verdi və o inamla titulu qazandı. İkinci il ardıcıl dünya çempionu britaniyalı olur və bu bizim ölkədə avtoidmanın inkişafına daha bir güclü təkan verəcək.”

Nik Fray: “Censon məni təəccübləndirmədi. Mən həmişə hiss edirdim ki, o bunu edə bilər, məncə, Censon indi hamıya nümayiş etdirdi ki, o nəyə qadirdir. Ümid edirəm ki, o tərəddüd edənlərin hamısına cavab verdi. O gərgin pressinq altında idi, mövsümün ikinci yarısı ciddi rəqabət var idi, amma Batton öz gücünü göstərdi.”

Rubens Barrikello: “Mən Censona görə çox şadam, o mənim dostumdur və layiqli çempiondur və əgər mən qalib gələ bilmədimsə, qələbə ona çatmalı idi. Afərin! O titula layiqdir, amma titulu ilk yeddi yarışda qazandı. Mövsümün ikinci yarısı mən güclü idim. Bu əsil mübarizə idi.”

Mark Uebber: “Censon həmişə stabil çıxış edib, bu mövsümün əvvəlində isə o çox sürətli idi. Brawn GP əla işləyirdi, onların ən yaxşı maşını var idi, digər komandalar isə uğursuzluqlarının səbəbini axtarırdılar. Son nəticədə Censon qalib gəldi. O layiqli çempiondur!”

Norbert Hauq: “Censonu və Brawn GP-ni təbrik edirəm! On ay əvvəl onların Formula1-də gələcəyi sual altında idi, bu gün isə onlar gərgin əməklərinin bəhrələrini gördülər. Əla işlədilər və bu mövsüm möcüzə etdilər!”


Son Xəbərlər

İnformasiya

Bölüm Xəbərlər
Mənbə
Baxış Sayı 291
Teqlər
Paylaş

logo