F-1.az xatırladır ki, dünənki məşqlərdə əvvəlcə Valtteri Bottas, daha sonra isə Karlos Sayns protokollara başçılıq edib. Bu gün baş tutan son məşqdə isə Maks Ferstappen hamıdan sürətli olub.
Pirelli Britaniyaya ən sərt üçlüyü – C1, C2 və C3 tərkiblərini gətirib. Sıralanma turunun startına az qalmış yağış başlayıb və sliklərə ehtiyac yaranmayıb.
İlk Sessiyada sürücülər keçid təkərləri ilə trasa çıxıblar. Alpine sürücüləri bokslardan hamıdan gec ayrılıblar. Bottas yerində fırlansa da, maşına zərər dəyməyib. Yağış dayanıb və nəticələr getdikcə yaxşılaşıb. Ferstappen 1:39.129-luq nəticə ilə protokollara başçılıq edib. Haas və Aston Martin sürücüləri ilə yanaşı, Elbon üçün də mübarizə başa çatıb.
İkinci Sessiyada yenə sürücülər keçid təkərlərdən istifadə ediblər. Hər dövrədən sonra trasın vəziyyəti düzəldiyi üçün nəticələr də yaxşılaşıb, lakin bir qədər sonra yağış güclənib. Ferstappen otluğa çıxıb və pit yoluna üz tutub. Lətifi də trasdan çıxıb. İlk beşlik növbəti cəhdlərini etməyib, digər sürücülər isə mübarizə davam etdiriblər, lakin nəticələri yaxşılaşdırmaq mümkün olmayıb. Ferstappen yenə ən sürətli olub – 1:40.655. Lətifi sürpriz şəkildə son mərhələyə keçib. Okon, Rikkardo, Tsunoda, Bottas və Qasli ilk onluğa düşə bilməyib.
Son sessiyada gözlənildiyi kimi, yaşıl təkər seçilib. Tras sürüşkən olub. Ferstappen ilk cəhdinin son sektorunda yerində fırlanıb. Lətifi də eyni səhvə ilk döngədə yol verib. Maks növbəti cəhdində 1:42.996-lıq nəticə göstərib və liderliyə yüksəlib, lakin Ferrari sürücüləri onu keçib. Son cəhdlərdə isə niderlandlı sürücü monakolu rəqibini üstələsə də, ilk sıraya yüksələ bilməyib.
Beləliklə, Karlos Sayns karyerasında ilk poulunu əldə edib. Sabah onunla ilk cərgəni bölüşəcək pilot Maks Ferstappendir. Şarl Lekler və Serxio Peres ikinci, Lyuis Həmilton və Lando Norris isə üçüncü cərgədən start alacaqlar.
Bizi sabah Bakı vaxtı ilə 18:00-da çox maraqlı mübarizə gözləyir…
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 55 | Karlos Sayns | Ferrari | 4 | 1:40.190 | 11 | 4 | 1:41.602 | 6 | 1:40.983 | 9 |
| 2 | 1 | Maks Ferstappen | Red Bull | 1 | 1:39.129 | 10 | 1 | 1:40.655 | 5 | 1:41.055 | 9 |
| 3 | 16 | Şarl Lekler | Ferrari | 2 | 1:39.846 | 11 | 3 | 1:41.247 | 6 | 1:41.298 | 9 |
| 4 | 11 | Serxio Peres | Red Bull | 6 | 1:40.521 | 10 | 8 | 1:42.513 | 8 | 1:41.616 | 8 |
| 5 | 44 | Lyuis Həmilton | Mercedes | 5 | 1:40.428 | 11 | 2 | 1:41.062 | 4 | 1:41.995 | 8 |
| 6 | 4 | Lando Norris | McLaren | 9 | 1:41.515 | 10 | 6 | 1:41.821 | 8 | 1:42.084 | 8 |
| 7 | 14 | Fernando Alonso | Alpine | 10 | 1:41.598 | 8 | 7 | 1:42.209 | 8 | 1:42.116 | 7 |
| 8 | 63 | Corc Rassell | Mercedes | 3 | 1:40.028 | 11 | 5 | 1:41.725 | 4 | 1:42.161 | 8 |
| 9 | 24 | Quanyu Çjou | Alfa Romeo | 7 | 1:40.791 | 11 | 9 | 1:42.640 | 9 | 1:42.719 | 8 |
| 10 | 6 | Nikolas Latifi | Williams | 15 | 1:41.998 | 11 | 10 | 1:43.273 | 8 | 2:03.095 | 5 |
| 11 | 10 | Pyer Qasli | AlphaTauri | 11 | 1:41.680 | 11 | 11 | 1:43.702 | 8 | ||
| 12 | 77 | Valtteri Bottas | Alfa Romeo | 8 | 1:41.396 | 11 | 12 | 1:44.232 | 9 | ||
| 13 | 22 | Yuki Tsunoda | AlphaTauri | 13 | 1:41.893 | 10 | 13 | 1:44.311 | 9 | ||
| 14 | 3 | Daniel Rikkardo | McLaren | 14 | 1:41.933 | 10 | 14 | 1:44.355 | 8 | ||
| 15 | 31 | Esteban Okon | Alpine | 12 | 1:41.730 | 8 | 15 | 1:45.190 | 9 | ||
| 16 | 23 | Aleksander Elbon | Williams | 16 | 1:42.078 | 11 | |||||
| 17 | 20 | Kevin Maqnussen | Haas | 17 | 1:42.159 | 11 | |||||
| 18 | 5 | Sebastyan Fettel | Aston Martin | 18 | 1:42.666 | 9 | |||||
| 19 | 47 | Mik Şumaxer | Haas | 19 | 1:42.708 | 11 | |||||
| 20 | 18 | Ləns Stroll | Aston Martin | 20 | 1:43.430 | 10 | |||||
