15 Dekabr 2019, Bazar - 01:10

Bəhreyn, 2 mart

Bəhreyn, 2 mart

Müəllif: Rəhim N.Əliyev, baş redaktor

06:08 - 11 Yanvar, 2014

Quru. Günəşli. Havanın temperaturu +22°-28° C, trasın temperaturu +28°-40° C Keçən il olduğu kimi, mövsümöncəsi testlərin son günü “çempionlar günü” […]

Quru. Günəşli. Havanın temperaturu +22°-28° C, trasın temperaturu +28°-40° C

Keçən il olduğu kimi, mövsümöncəsi testlərin son günü “çempionlar günü” oldu – çempion adını daşıyan beş sürücüdən dördü trasda işləyib və yalnız Kimi Rəykkönen qış proqramını dünən başa vurmuşdu.

Düzdür, keçən il sonuncu test günü bir dəfə də osun qırmızı bayraq göstərilməmişdi, amma bu gün 8 dəfə marşallar əllərinə qırmızı bayraq almalı olublar – təşkilatçılar hətta sessiyanı 25 dəqiqə uzatmalı da oldular ki, itirilmiş vaxtı kompensə etsinlər. Ona görə də testlər süni işıq altında başa çatıb – bu il Bəhreyn Qran Prisində istifadə ediləcək işıqlandırma sistemi uğurla test edilib.

test12-2
Sürücülər isə doğrudan çox vaxt itiriblər. Həmilton faktiki olaraq nahara qədər işləməyib – mexaniklər ötürmələr qutusunu dəyişiblər. Fettel uzun müddət əyləc problemi üzündən boksu tərk etməyib, Marussi-da elektronika, Caterham-də ilişmə muftası sıradan çıxıb. Qırmızı bayraqlara Fettel, Qrojan (iki dəfə), Batton, Hülkenberq, Alonso, Bottas və Qutyerres səbəb olublar.

Sauber dünən itirdiyi vaxtı kompensə etmək üçün Adrian Sutili nahara qədər sükan arxasına otuzdurub – almaniyalı sürücü 91 dövrə verdikdən sonra maşını Esteban Qutyerresə ötürüb.

Testlərin sonuncu günü komandalar sazlanmalarla işləyiblər, amma bunu hamı edə bilməyib – yeni maşınların etibarlılığı qarşıdakı mövsümdə həlledici faktor olacaq və mövsümün ilk səfər yarışları bir çox komandalar üçün testlərin davamı ola bilər.

test12-3
Sessiyanın sonunda sürücülər qısa dövrələr seriyasında az ayanacaqla işləyiblər, amma Felipe Massanın dünənki nəticəsini yaxşılayan olmayıb – bu gün protokollara başçılıq edən Lyuis Həmilton brazliyalı sürücüyə 0.02 saniyə uduzub: 1:33.278. Ən böyük məsafəni isə Valtteri Bottas qət edib.

Beləliklə, mövsümöncəsi testlər başa çatıb. Növbəti dəfə komandalar Melburnda cümə sərbəst yürüşlərində bir araya gələcəklər, amma mövsümün gedişində yenidən testlərə toplaşacaqlar – ən yaxın testlər isə elə Bəhreyndə Qran Pridən sonra baş tutacaq…

Nəticələr belə olub:

YerPilotKomandaMotorVaxtFərqDövrə
01L.HəmiltonMercedes AMGMercedes1:33.27869
02V.BottasWilliamsMercedes1:33.987+ 0:00.709108
03F.AlonsoFerrariFerrari1:34.280+ 0:01.00274
04N.HülkenberqForce İndiaMercedes1:35.577+ 0:02.29974
05J.E.VernToro RossoRenault1:35.701+ 0:02.42374
06A.SutilSauberFerrari1:36.467+ 0:03.18991
07M.ÇiltonMarussiaFerrari1:36.835+ 0:03.55761
08E.QutyerresSauberFerrari1:37.303+ 0:04.02586
09S.FettelRed BullRenault1:37.468+ 0:04.19077
10C.BattonMcLarenMercedes1:38.111+ 0:04.83322
11K.KobayaşiCaterhamRenault1:38.391+ 0:05.113106
12R.QrojanLotusRenault1:39.302+ 0:06.02432

Son Xəbərlər

İnformasiya

Bölüm Testlər
Mənbə
Baxış Sayı 598
Teqlər ,
Paylaş

logo