Barselona, 25.02.2022

Barselonadakı testlərin üçüncü və son günü xeyli məhsuldar və maraqlı alınıb. Komandalar darıxdıcı dövrələrlə xeyli məlumatlar topladıqdan sonra maşınların potensialını yoxlamağa başlayıblar.

F-1.az bildirir ki, daha yumşaq təkərlərlə və gücü daha çox açılmış motorlarla yeni reqlamentə uyğun maşınların ötmə qabiliyyətləri test edilib. Növbəti testlərə hələ həftədən çox vaxt olduğu üçün komandaar bu sarıdan da ola biləcək problemləri indidən görərək bu fasilədə aradan qaldırmağa fokuslanıblar.

Bu gün qırmızı bayraqlar əvvəlki günlərə nisbətən daha çox olub. Alonsonun maşını hidravlik maye borusu partladığı üçün alovlanıb və Alpine günü erkən başa vurmağa məcbur olub. Maşının arxa hissəsi tamamilə yanıb və ehtiyat hissələr olmayıb. Daha sonra Fettelin maşını tüstülənib, buna da yanacaq sızması səbəb olub. Onun maşını da alovlanıb. Onlar üçün də Barslelona testləri erkən başa çatıb.

Növbəti qırmızı bayraqlar beşinci döngədə qəza edən Qasliyə görə çıxıb. Çjou da qəza edərək sessiyanın növbəti dəfə dayanmasına səbəb olub. Gün Haas üçün gərgin alınıb. Komanda rus sponsoruna aid reklamları boliddən götürüb. Mazepin gün ərzində cəmi 9 dövrə vura bilib. Rusiyalı sürücü yağ sızmasına görə proqramını davam etdirə bilməyib. Şumaxer də nahardan sonra işləyə bilməyib. Çünki problem çox ciddi olub.

Tez-tez çıxan qırmızı bayraqlar uzun dövrələrə mane olub. Günortadan sonraya yağış proqnozlaşdırılsa da, bu, baş verməyib. Pirelli yağış təkərlərinin sınağı üçün asfaltı süni şəkildə suladıb. Lakin sürücülər bu təkərlərlə cəmi bir neçə dövrə vurduqdan sonra keçid təkərlərini taxıblar. Tras çox tez quruyub.

Ən sürətli dövrəni C4 təkərləri ilə Lyuis Həmilton vurub – 1:19.138. O, həm də 93 dövrə ilə ən çox məsafə qət edən sürücü olub.

İştirakçılar növbəti testlər üçün martın 10-da Bəhreyndə toplaşacaqlar. Testlər başa çatdıqdan bir həftə sonra isə bizi mövsümün ilk yarışı gözləyir.

Yer N Sürücü Komanda Zaman Fərq Dövrə Təkər
1 44 Lyuis Həmilton Mercedes AMG 1:19.138 C4 93
2 63 Corc Rassell Mercedes AMG 1:19.233 + 0.00.095 C5 66
3 11 Serxio Peres Red Bull 1:19.556 + 0.00.418 C4 74
4 33 Maks Ferstappen Red Bull 1:19.756 + 0.00.618 C3 59
5 5 Sebastyan Fettel Aston Martin 1:19.824 + 0.00.686 C5 48
6 16 Şarl Lekler Ferrari 1:19.831 + 0.00.693 C3 44
7 55 Karlos Sayns Ferrari 1:20.072 + 0.00.934 C3 91
8 23 Aleksander Elbon Williams 1:20.318 + 0.01.561 C4 93
9 6 Nikolas Latifi Williams 1:20.699 + 0.01.652 C4 13
10 3 Daniel Rikkardo McLaren 1:20.790 + 0.01.689 C3 85
11 4 Lando Norris McLaren 1:20.827 + 0.02.104 C3 52
12 14 Fernando Alonso Alpine 1:21.242 + 0.02.801 C3 12
13 24 Qunayu Çjou Alfa Romeo 1:21.939 + 0.03.331 C3 41
14 10 Pyer Qasli AlphaTauri 1:22.469 + 0.03.514 C2 40
15 9 Nikita Mazepin Haas 1:26.229 + 0.07.091 C3 9
16 77 Valtteri Bottas Alfa Romeo 1:30.433 + 0.11.295 Inter. 11
, , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*