Barselona, 23.02.2022

Ötən mövsümün başa çatmasından hələ 3 ay keçməsə də, çempionatın iştirakçıları yenidən bir araya gəliblər. Barselonada böyük yeniliklərin gətirildiyi 2022-ci il mövsümü qış testləri ilə başlayıb.

F-1.az bildirir ki, güc nisbətlərinin necə olacağını məlum olmasa da, güclülülərin zəifləyəciyini kimsə gözləmir. Komandalar yenilikləri təqdimatlarda gizləmişdilər, burada isə daha çox detal gün üzünə çıxıb. Demək olar ki, bütün komandalar az qala bütün döngələrə öz fotoqraflarını rəqib maşınların şəkillərini çəkmək üçün yerləşdiriblər. Lakin Bəhreyndəki testlərdə də dəyişikliklər çox olacaq.

Çoxları maşınların yayda təqdim edilən konsepsiyaya bənzəyəcəyini göstərsə də, hər komandanın maşını fərqli alınıb – bu gün testlərdə demək olar ki, tamamilə fərqli 10 bolid görmüşük.

Bütün komandalar əsas sürücüləri ilə çalışsa da, Alfa Romeo ehtiyat sürücü Robert Kubitsanın köməyindən istifadə edib. Lakin gün polşalı sürücü üçün uğursuz olub. O, texniki problemlərə görə cəmi 9 dövrəlik məsafə qət edə bilib. Alfa Romeo həm də rəng çalarlarını hələ də üzə çıxarmayan yeganə komanda olaraq qalır – bu gün həm maşınlar, həm də sürücülərin geyimləri və dəbilqələri kamuflyajlı olub. Roberti nahardan sonra Valtteri Bottas əvəzləyib, lakin o da problemlərdən yan keçə bilməyib.

Nahara qədər nəzərə çarpan yeganə insident Maks Ferstappenin çınqıllığa düşməsi olub. Lakin ötən ilin çempionu yoluna davam edə bilib. Nahardan sonra isə yalnız bir dəfə – Lando Norris pit yolunun çıxışında dayandığı üçün bir neçə saniyəlik peyda olub. Sonradan o da yoluna davam edə bilib. Britaniyalı gənc sürücü sonlara yaxın günün ən yaxşı nəticəsinə imza atıb – 1:19.568.

Testlərdə sürətli dövrə əsas deyil. Mümkün qədər çox məsafə qət edərək daha çox məlumat toplamaq lazımdır. Bu mənada günün lideri Fernando Alonsonu cəmi 1 dövrə üstələyərək 147 dövrə vuran Maks Ferstappen olub.

Testlər sabah davam edəcək.

Yer N Sürücü Komanda Zaman Fərq Dövrə Təkər
1 4 Lando Norris McLaren 1:19.568 102 С4
2 16 Şarl Lekler Ferrari 1:20.165 + 0.00.597 80 С3
3 55 Karlos Sayns Ferrari 1:20.416 + 0.00.848 73 С3
4 63 Corc Rassell Mercedes AMG 1:20.784 + 0.01.216 77 С3
5 44 Lyuis Həmilton Mercedes AMG 1:20.929 + 0.01.361 50 С3
6 5 Sebastyan Fettel Aston Martin 1:21.276 + 0.01.708 52 С3
7 22 Yuki Tsunoda AlphaTauri 1:21.638 + 0.02.070 120 С3
8 14 Fernando Alonso Alpine 1:21.746 + 0.02.178 146 С3
9 33 Maks Ferstappen Red Bull 1:22.246 + 0.02.678 147 С2
10 77 Valtteri Bottas Alfa Romeo 1:22.572 + 0.03.004 23 С3
11 23 Aleksander Elbon Williams 1:22.760 + 0.03.192 66 С3
12 47 Mik Şumaxer Haas 1:22.962 + 0.03.394 23 С3
13 18 Ləns Stroll Aston Martin 1:23.327 + 0.03.759 67 С3
14 6 Nikolas Latifi Williams 1:23.379 + 0.03.811 66 С3
15 9 Nikita Mazepin Haas 1:24.505 + 0.04.888 20 С2
16 88 Robert Kubitsa Alfa Romeo 1:25.909 + 0.06.341 9 С3
, , , , , , ,

Bir cavab yazın

Sizin e-poçt ünvanınız dərc edilməyəcəkdir.

*

*

*