Mart ayında Formula1-də debüt edəcək gənc isveçrəli sürücü Sebastyen Buemi Portimaoda Alqarve avtodromunda keçirilən mövsümün ilk testlərdinə üç gündür ardıcıl olaraq liderlik edir, Toro Rosso-nun sükanı arxasında Buemi 128 dövrə vurub və ən sonuncusunda da ən yaxşı nəticə göstərib.
Yağışlı hava proqramın əsas hissəsi olan – sliklərin yoxlanmasına keçməyə imkan vermirdi, amma bu gün günortaya yaxın tras demək olar ki, quruyub və sessiya iştirakçıları vəziyyətdən maksimum yararlanmağa çalışıblar.
Keçənilki STR3-lə işləyən Buemidəm sonra ən yaxşı nəticəyə Niko Rosberq imza atıb, alman sürücü həm də hamıdan çox məsafə qət edib – 143 dövrə. Protokolların üçüncü sətrini dünya çempionu Lyuis Həmilton tutub. Amma səhər britaniyalı sürücünün maşınında problemlər yaşanıb.
Portimaoda bu gün yeni Toyota TF109-u Timo Qlok, yeni Renault R29-u isə Fernando Alonso sınayıblar. Sabah testlər başa çatacaq…
Nəticələr belə olub:
Pilot | Komanda | Motor | Vaxt | Dövrə |
1. S.Buemi | Toro Rosso | Ferrari | 1:27.987 | 128 |
2. N.Rosberq | Williams | Toyota | + 0:01.742 | 143 |
3. L.Həmilton | McLaren | Mercedes | + 0:02.255 | 81 |
4. T.Qlok | Toyota | Toyota | + 0:02.891 | 63 |
5. F.Alonso | Renault | Renault | + 0:03.756 | 84 |