Alman tabloidi Bild yazır ki, onun öhdəlikləri Tom MakKalouya tapşırılacaq. Lambyaze hazırda yalnız Maks Ferstappenlə işləmir, o, 2022-ci ildən bəri baş yarış mühəndisi vəzifəsini də tutur.
MakKalou 50 yaşındadır və Formula1-ə 20 ildən çox xidmət etmiş təcrübəli mütəxəssisdir. Onun karyerası Williams-da başlayıb: orada əvvəlcə məlumatların emalı üzrə mühəndis, sonra isə yarış mühəndisi olub və bu funksiyada Niko Hülkenberq, Rubens Barrikello və Bruno Senna ilə çalışıb.
2013-cü ildən MakKalou Silverstoun komandası ilə əməkdaşlıq edir; o vaxtlar komandanın adı Force India idi, sonra komanda bir neçə dəfə ad dəyişdi və indi bu, Aston Martin-dir.
Keçən ilin yanvar ayına qədər o, baş yarış mühəndisi idi, lakin komandada restrukturizasiya aparıldı və onu əlaqəli bölmə olan Aston Martin Performance Technologies-ə keçirmişdilər; orada isə artıq F1 yox, britaniyalı markanın digər yarış kateqoriyalarında iştirak edən maşınlarla bağlı işlə məşğul idi. Bild isə Tom MakKalounun Red Bull ilə bağlı karyerasında yeni fəslin nə vaxt başlayacağını bildirmir.
