F-1.az xəbər verir ki, Niko Rosberq dördqat dünya çempionunun bu fikirlərini bölüşür və Formula1 sürücülərinin ətraf mühit haqqında danışarkən tam səmimi ola bilməyəcəyinə inananların olmasına baxmayaraq, ona dəstəyini ifadə etməyə hazırdır.
“Düzünü desəm, insanları bu cür hisslərin səmimiliyinə inandırmaq mümkün olmayacaq, amma Sebastyan həqiqətən dediyi və etdiyi şeydən ən dərin şəkildə əmindir, – deyə Rosberq həmyerlisinə dəstək verib. – Təbii ki, avtoidman ilkin olaraq ətraf mühitlə müəyyən konflikt ehtiva edir.
Sebastyan bir tərəfdən ətraf mühit üçün mübarizəni emosional olaraq dəstəkləyir və özü müəyyən hərəkətlər edir, digər tərəfdən o da hər bir Formula1 sürücüsü kimi iqlim dəyişikliyinə təsir edir, çünki o, daim dünyanı gəzir və çoxlu yanacaq yandırır.
Təəssüf ki, avtoidman sevgisi bu vəziyyətdə tamamilə neytral olmağa imkan vermir. Bununla belə, inanıram ki, Sebastyan layiqli mövqe tutur və ekoloji məsələlərdən danışanda onun səmimiliyinə şübhə yoxdur. Formula1 çox populyardır, buna görə də sürücülər insanlar üçün nümunə olmalı və bəzi yeni təşəbbüslər üçün öndə getməlidirlər.
İctimaiyyət sürücülərin dediklərini və etdiklərini diqqətlə izləməyə davam edir və bu üstünlükdən bütün cəmiyyətin xeyrinə istifadə edilməlidir. Bunun üçün Sebastyanın hələ çox işi var və onun bundan sonra da işlər görəcəyinı şübhəm yoxdur”
