F-1.az xəbər verir ki, iki komandada müvəqqəti dəyişiklik edilib – Ferrari Sürücü Akademiyasının dinləyicisi Şarl Lekler Haas komandasında Esteban Qutyerresi əvəz edib, Esteban Okon isə Renault maşınının sükanı arxasına əyləşib.
Sessiyanın əvvəlində Sebastyan Fettel sürücünün başını müdafiə etmək üçün nəzərdə tutulan Halo sisteminin yeni versiyasını test edib – almaniyalı sürücü boksdan çıxıb və boksa qayıdıb, komanda rəhbərləri və Çarli Uaytinq bu qısa dövrəni diqqətlə izləyiblər, çünki sabah onlar yeni sistemin üstünlükləri və əskikləri barədə müzakirə edəcəklər. Kiçik fasilədən sonra almaniyalı sürücü trasa adi maşınla qayıdıb və işinə davam edib.
Bir çox komandalar asfalta yatma qüvvəsi və sürət arasında balans axtarışında aerodinamik konfiqurasiya ilə eksperimentlər ediblər – hətta mövsümün ilk yarışından yenilik hazırlamayan Sauber komandası Silverstouna yeni arxa antiqanadla gəlib.
Ciddi insident yaşanmayıb. Lekler bir neçə dəfə trasdan çıxsa da, sağ-salamat trasa qayıda bilib. Sessiyanın sonunda isə Fettelin maşınında ötürmələr qutusunda problemlər üzə çıxıb, amma Sebastyan boksa qayıda bilib.
Protokollara Lyuis Həmilton başçılıq edib – 1:31.654, britaniyalı sürücü keçənilki pouldan yarım saniyə sürətli olub. Ən böyük məsafəni isə Valtteri Bottas qət edib – 38 dövrə. Nahardan sonra məşqlər davam edəcək…
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:31.654 | – | 30 |
| 2 | 6 | Niko Rosberq | Mercedes AMG | 1:31.687 | + 0:00.033 | 34 |
| 3 | 27 | Niko Hülkenberq | Force İndia | 1:32.492 | + 0:00.838 | 30 |
| 4 | 5 | Sebastyan Fettel | Ferrari | 1:32.501 | + 0:00.847 | 20 |
| 5 | 3 | Daniel Rikkardo | Red Bull | 1:32.773 | + 0:01.119 | 30 |
| 6 | 7 | Kimi Rəykkönen | Ferrari | 1:33.039 | + 0:01.385 | 28 |
| 7 | 33 | Maks Ferstappen | Red Bull | 1:33.202 | + 0:01.548 | 22 |
| 8 | 11 | Serxio Peres | Force İndia | 1:33.235 | + 0:01.581 | 30 |
| 9 | 55 | Karlos Sayns | Toro Rosso | 1:33.446 | + 0:01.792 | 19 |
| 10 | 14 | Fernando Alonso | McLaren | 1:33.527 | + 0:01.873 | 22 |
| 11 | 26 | Daniil Kvyat | Toro Rosso | 1:33.738 | + 0:02.084 | 20 |
| 12 | 22 | Censon Batton | McLaren | 1:34.132 | + 0:02.478 | 24 |
| 13 | 77 | Valtteri Bottas | Williams | 1:34.263 | + 0:02.609 | 38 |
| 14 | 19 | Felipe Massa | Williams | 1:34.456 | + 0:02.802 | 34 |
| 15 | 8 | Roman Qrojan | Haas | 1:34.547 | + 0:02.893 | 24 |
| 16 | 30 | Colion Palmer | Renault | 1:34.787 | + 0:03.133 | 29 |
| 17 | 12 | Felipe Nasr | Sauber | 1:34.805 | + 0:03.151 | 21 |
| 18 | 50 | Şarl Lekler | Haas | 1:35.869 | + 0:04.215 | 26 |
| 19 | 45 | Esteban Okon | Renault | 1:35.980 | + 0:04.326 | 31 |
| 20 | 9 | Markus Eriksson | Sauber | 1:36.003 | + 0:04.349 | 19 |
| 21 | 94 | Paskal Verlyayn | Manor | 1:36.136 | + 0:04.482 | 25 |
| 22 | 88 | Rio Haryanto | Manor | 1:36.647 | + 0:04.993 | 29 |
