Çempionatın yeganə təkər təchizatçısı Pirelli şirkəti qarşıdakı dörd yarışa təkər tərkib seçimini elan edib: İmola və Mayamidə sürücülərə orta üçlük, Barselonada bərk üçlük və Monakoda isə ənənəvi yumşaq üçlük təqdim olunacaq.
Xatırladaq ki, hər yarış üçün seçilən 3 tərkib Hard – Medium – Soft adlanmaqla müvafiq olaraq Ağ – Sarı – Qırmızı rənglərlə işarələnir. Sürücülərin hər birində 2 dəst Hard, 3 dəst Medium və 8 dəst Soft tərkibi olur.
Soft sıralanma turu üçün nəzərdə tutulub, yarış üçün sürücülərdə ən azı bir dəst Hard və Medium olmalıdır.
