F-1.az xatırladır ki, Sebastyan Fettel yarışa 9-cu yerdən başlasa da, SuperSoft təkərlərlə 27 dövrə trasda qalaraq yarışda birinci yerə yüksəlmişdi. Amma birdən-birə almaniyalı sürücünün təkəri partlamış və o divara çırpılaraq, mübarizəni vaxtından əvvəl dayandırmışdı.
Ferrari komandası hadisədən sonra bildirmişdi ki, təkər birdən-birə partlayıb və insidentə qədər hər şey qaydasında olub. Pirelli apardığı araşdırmalardan sonra insidentin səbəbini tapıb: “Təkərin üzərində apardığımız araşdırmalardan sonra hər hansı problemlə qarşılaşmadıq. Təkərin partlama səbəbi istehsaldan qaynaqlanmır. İnsidentin səbəbi tras üzərindəki qırıntılardır”.
