Kanada-2018: Günün sürücüsü – Sebastyan Fettel

F-1.az xəbər verir ki, pouldan start alan, rəqiblərinə hücum şansı verməyən, yarışın sonuna qədər üstünlüyünü qoruyaraq mövsümdə üçüncü, karyerasında isə 50-ci qələbəsini qazanan Ferrari-nin sürücüsü Sebastyan Fettel “Günün Sürücüsü” seçilib. Alman sürücü bu il ilk dəfə bu ada layiq görülsə də, keçən il 7 dəfə yarışın ən yaxşısı seçilmişdu. Ümumilikdə isə, artıq 11-ci dəfə azarkeşlərin rəğbətini qazanan Fettel bu saya görə lider olan Maks Ferstappenə çatıb.

Qeyd edək ki, seçim azarkeşlərin səsverməsinə əsasən edilir. Səsvermə hər yarışın son 10 dövrəsi ərzində Formula1-in rəsmi internet saytında (f1.com/vote) keçirilir.