İnsidentin hallarını, kameraların qeydlərini, telemetriyanı, radio danışıqlarını araşdırdıqdan, hər iki sürücünü və komandaların nümayəndələrini dinlədikdən sonra stüardlar müəyyən ediblər ki, Ferstappen sürətli dövrədə olarkən, sürəti azaldıb Maksa yol vermək üçün sağa çəkilən Həmiltonu yeddinci və səkkizinci döngəlar arasındakı sahədə tək sarı bayraqlar altında həqiqətən də ötüb.
Lakin sarı bayraqların təsir zonasına daxil olduqdan sonra Maks qaz pedalını tam buraxıb və Həmiltonu ötdüyü anda Ferstappen öz sürətli dövrəsi ilə müqayisədə təxminən 70 km/saat daha yavaş gedib. Öz növbəsində, Ferrari-nin sürücüsü daha kəskin əyləcləyib – onun sürəti 60 km/saatdan da aşağı olub, buna görə də ötmə anında iki maşın arasındakı sürət fərqi xeyli böyük alınıb.
Maks stüardlara izah edib ki, ötmənin qarşısını almaq üçün təcili əyləcləməyə əl atmalı idi və onun fikrincə, bu, potensial təhlükəli vəziyyət yarada bilərdi.
Nəticədə stüardlar qərara alıblar ki, Ferstappen qaydaları pozub və sarı bayraqlar altında Həmiltonu ötüb, lakin əlavə ediblər ki, “ötmə yaxınlaşma sürətlərindəki əhəmiyyətli fərqin uğursuz nəticəsi olub” və bu şəraitdə Red Bull Racing sürücüsünə cəza tətbiq etməməyi məqsədəuyğun sayıblar. Beləliklə, Maks Ferstappen sprintin startında ilk yeri qoruyub.
