F-1.az xəbər verir ki, 2024-cü il mövsümündən etibarən Qətər mövsümün Proloquna və ilk yarışına ev sahibliyi edəcək – Dünya Dözümlülük Çempionatı mövsümü Lusail avtodromunda Qətərin 6 saatlıq yarışı ilə başlayacaq.
2012-ci ildə WEC yaradılandan bəri Qətər dünya çempionatına ev sahibliyi edəcək 13-cü ölkə olacaq. Tədbirin tarixi, 2024-cü il üçün tam FİA WEC təqvimi ilə birlikdə gələn il təsdiqlənmək üçün FİA Avtoİdman üzrə Ümumdünya Şurasına təqdim olunacaq.
