10 Dekabr 2018, Bazar ertəsi - 08:18

N.Rosberq: “Həmilton ideal formadan uzaqdır”

N.Rosberq: “Həmilton ideal formadan uzaqdır”

Müəllif: Rauf Hacıyev, redaktor

14:17 - 17 Aprel, 2018

Formula1 üzrə 2016-cı ilin Dünya Çempionu Niko Rosberq düşünür ki, Lyuis Həmilton bu mövsüm ideal formada deyil.

F-1.az xatırladır ki, britaniyalı sürücü, həm Bəhreyndə, həm də Çində komanda yoldaşı Valtteri Bottasın gerisində qalıb. Finlandiyalı sürücü hər iki yarışda da qələbəni son anda əldən verdiyi halda, Həmilton rəqiblərinin sıradan çıxması hesabına Bəhreyndə 3-cü, Çində isə 4-cü ola bilib.

Niko Rosberq: “Lyuis ideal formasından çox uzaqdır. Amma keçmişdə də belə çətin dövrləri olub. Əgər özünə inamı yoxdursa, düşünməyə başlayır və çoxlu səhvlər edir. Onun Bakıda nə edəcəyi mənə maraqlıdır”.

Xatırladaq ki, Həmilron son qələbəsini 2017-ci ilin sondan 3-cü yarışı ABŞ-da əldə edib. Bu da o deməkdir ki. britaniyalı sürücü 5 yarışdır qalib gələ bilmir. Dördqat Dünya Çempionu belə halla sonuncu dəfə 2016-cı ildə qarşılaşmış və həmin il Dünya Çempionluğunu əldən vermişdi.


Son Xəbərlər

İnformasiya

Bölüm Xəbərlər
Mənbə
Baxış Sayı 199
Teqlər , ,
Paylaş

logo