ABŞ Qran Prisindən sonra Formula1 təqvimində Meksika, San Paulu, Las Veqas, Qətər və Əbu Dabidə keçirilməsi planlaşdırılan beş yarış qalacaq və bu yarışlarda maksimum 125 xal toplamaq mümkün olacaq. Beləliklə, Ostində dünya çempionu olmaq üçün Kimi Antonelli ən yaxın izləyicisi ilə fərqi daha 23 xal artırmalıdır.
Bunun üçün Mercedes komandasının italiyalı sürücüsü ABŞ Qran Prisini qazanmalı və Corc Rassell ilə Lyuis Həmiltonun Meksikadakı yarışdan əvvəl Kimidən 124 xal həddində qalmaq üçün kifayət qədər xal toplamamalarına ümid etməlidir.
Deməli, titulu Ostində vaxtından əvvəl rəsmiləşdirmək üçün Kimi Antonelli yarışı qazanmalı, Corc Rassell doqquzuncu yerdən yuxarıda finiş görməməli (iki xaldan çox qazanmamalı), Lyuis Həmilton isə beşinci yerdən yuxarıda finiş görməməlidir (on xaldan çox qazanmamalıdır).
Əgər Antonelli Ostində qalib gəlsə, Rassell doqquzuncu yeri tutsa, Həmilton isə beşinci yerdən yuxarıda finiş görməsə, onda Kiminin komanda yoldaşı üzərində üstünlüyü 125 xala çatacaq və mübarizədə 125 xal qalacaq. Təsəvvür etsək ki, Rassell Ostindən sonra qalan bütün yarışlarda qalib gələcək, Antonelli isə daha xal qazanmayacaq, onda Əbu Dabidən sonra onların xalları bərabərləşəcək və titulun taleyini yarış qələbələrinin çoxluğu həll edəcək.
Belə ssenaridə Antonellinin doqquz qələbəsi olacaq (Ostindəki hipotetik qələbə də nəzərə alınmaqla), Rassellin isə səkkiz qələbəsi olacaq (hazırda olan üç qələbəyə Ostindən sonra daha beşi əlavə olunacaq).
Sinqapur Qran Prisindən sonra çempionluq uğrunda riyazi şanslarını Maks Ferstappen, Şarl Lekler və Lando Norrisdə qoruyublar. Lakin Kimi Antonelli Ostində qalib gələcəyi halda, onların hamısı avtomatik olaraq titul uğrunda iddiaçılar siyahısından çıxacaq.
