“Bu ilin pis tendensiyası odur ki, texniki yeniliklər tətbiq etdikdə nəzərəçarpacaq dərəcədə irəliləyə bilmirik”, – deyə Karlos Britaniya Qran Prisindən sonra bəyan etmişdi.
Mövsümün doqquz mərhələsi arxada qalıb, lakin Qrouvda yerləşən komandanın hesabında cəmi 11 xal var, halbuki keçən il bu mərhələdə onların sürücüləri təxminən beş dəfə çox xal toplamışdılar.
Komandanın rəhbəri Ceyms Vaulz isə Britaniya mərhələsinin nəticələrini, Williams maşınlarında ümidləri doğrultmayan yeni ön qanadın ortaya çıxmasını şərh edərkən Saynsla razılaşmağa meyillidir:
“İndi bizə aydındır ki, maşının effektivliyini artırmaq üçün işimizin tempi kifayət qədər yüksək deyil ki, irəliləyək. Əvvəlcə tam şəkildə yalnız Silverstounda baş verənləri deyil, bütün mövsüm ərzində necə fəaliyyət göstərdiyimizi həqiqətən analiz etməliyik.
Bunu nə qədər tez edəcəyimizdən asılıdır ki, Spa və Budapeştdə necə işləyəcəyik və mövsümün sonuna qədər nə ilə məşğul olacağıq. Eyni zamanda, gələn ilə necə hazırlaşacağımızı da müəyyənləşdirməliyik”.
Belçikadakı mərhələöncəsi bütün çətinliklərə baxmayaraq Vaulz ümidini itirmir: “Məmnuniyyətlə Spaya gedəcəyəm, çünki orada bizi gözləyən vəzifələr mövsümün əksər mərhələlərində qarşılaşdığımızlardan fərqlidir. Bu isə komandaya yenidən qurulmaq və daha yüksək səviyyəyə qayıtmaq imkanı verir”.
