F-1.az bildirir ki, bu gün 21 yaşı tamam olan və təbriklər qəbul edən Norris hətta düzlükdə də qaz pedalına basarkən sürüşmələrin olmasından şikayətlənib. Sessiya 7-ci dəqiqədə qırmızı bayraqlarla dayandırılıb. Buna səbəb Leklerin pit yolu girişində plastik dirəyi yıxması olub. Nəticə aradan qaldırıldıqdan sonra sessiya davam edib.
Trasın çox sürüşkən olması ilk sessiyadakı nəticələrin trasın rekorduna hətta 10 saniyə uduzması ilə nəticələnib. Bottas və Rəykkönen asfaltdan kənara çıxsalar da, geri qayıda biliblər. Həmilton maşındakı problemlərə görə bir dövrəni tamamlamadan boksa qayıdaraq maşını mexaniklərə təhvil verib və 1 saat vaxt itirib.
Saynsın maşınında elektrik sistemlərindəki nasazlıq aradan qaldırıldıqdan sonra hidravlik sistemlərdə problem yaşanıb və ispan sürücü dayanmalı olub. Maşının təxliyə edilməsi üçün Virtual Təhlükəsizlik Maşını rejimi elan edilib və bu, bir neçə dəqiqə davam edib.
Protokollara Maks Ferstappen başçılıq edib – 1:35.077. Məşqlər nahardan sonra davam edəcək…
| Yer | N | Sürücü | Komanda | Zaman | Fərq | Dövrə |
| 1 | 33 | Maks Ferstappen | Red Bull | 1:35.077 | – | 29 |
| 2 | 23 | Aleksander Elbon | Red Bull | 1:35.318 | + 0:00.241 | 27 |
| 3 | 16 | Şarl Lekler | Ferrari | 1:35.507 | + 0:00.430 | 26 |
| 4 | 10 | Pyer Qasli | AlphaTauri | 1:35.543 | + 0:00.466 | 25 |
| 5 | 5 | Sebastyan Fettel | Ferrari | 1:35.620 | + 0:00.543 | 29 |
| 6 | 26 | Daniil Kvyat | AlphaTauri | 1:36.738 | + 0:01.661 | 27 |
| 7 | 4 | Lando Norris | McLaren | 1:37.216 | + 0:02.139 | 21 |
| 8 | 99 | Antonio Covinatsi | Alfa Romeo | 1:37.503 | + 0:02.426 | 20 |
| 9 | 77 | Valtteri Bottas | Mercedes AMG | 1:37.629 | + 0:02.552 | 22 |
| 10 | 31 | Esteban Okon | Renault | 1:38.428 | + 0:03.351 | 22 |
| 11 | 6 | Nikolas Latifi | Williams | 1:38.508 | + 0:03.431 | 18 |
| 12 | 11 | Serxio Peres | Racing Point | 1:38.612 | + 0:03.535 | 22 |
| 13 | 18 | Ləns Stroll | Racing Point | 1:39.484 | + 0:04.407 | 20 |
| 14 | 8 | Roman Qrojan | Haas | 1:40.025 | + 0:04.948 | 24 |
| 15 | 44 | Lyuis Həmilton | Mercedes AMG | 1:40.225 | + 0:05.148 | 11 |
| 16 | 7 | Kimi Rəykkönen | Alfa Romeo | 1:41.035 | + 0:05.958 | 23 |
| 17 | 20 | Kevin Maqnussen | Haas | 1:41.854 | + 0:06.777 | 21 |
| 18 | 3 | Daniel Rikkardo | Renault | 1:45.156 | + 0:10.079 | 19 |
| 19 | 55 | Karlos Sayns | McLaren | 1:46.462 | + 0:11.385 | 12 |
| 20 | 63 | Corc Rassell | Williams | 1:49.256 | + 0:14.179 | 17 |
