Hermann Tilkenin memarlıq bürosu ilə dar və Wurz Design-ın tərtib etdiyi yeni tras FIA Grade 1 tələblərinə uyğun inşa olunacaq. Layihələndirmə zamanı yerli landşaftın xüsusiyyətləri nəzərə alınıb və hündürlük fərqlərindən istifadə olunacaq.
Layihə Ruanda hökumətinin həyata keçirdiyi idman, turizm, infrastruktur və kommersiya obyektlərinin inkişafı üzrə daha geniş proqramın tərkib hissəsi olacaq. Avtodromdan yalnız Formula1 yarış həftəsonlarında istifadə olunmayacaq. Trasda ilboyu beynəlxalq yarışların, konfransların və əyləncə tədbirlərinin keçirilməsi planlaşdırılıb.
Formula1-də Afrika çempionatın inkişafı üçün perspektivli bazar kimi nəzərdən keçirilib. Mövcud qiymətləndirmələrə görə, qitədə yarışları 100 milyondan çox azarkeş izləyəcək, üstəlik Saharadan cənubdakı Afrika ölkələrinin əsas bazarlarında auditoriyanın təxminən 60 faizi 35 yaşdan gənc olacaq.
Muhəmməd ben Sulayem: “Formula1 üzrə dünya çempionatının Afrikaya qayıdışı idmanımız üçün tarixi hadisə və dünya üzrə avtoidmanın gələcək inkişafında mühüm addım olub. Ruanda ən yüksək səviyyəli yarış keçirməyə ciddi maraq göstərib. FİA yeni avtodromun bütün beynəlxalq standartlara uyğun inşa olunması üçün FOM və tərəfdaşlarımızla sıx əməkdaşlıq edəcək.
İmzalanmış müqavilə yalnız yarışın keçirilməsi baxımından əhəmiyyət daşımayıb. Söhbət uzunmüddətli irsdən, yeni nəslin ruhlandırılmasından, istedadlı mütəxəssislərin hazırlanmasından və Afrikada, eləcə də onun hüdudlarından kənarda avtoidmanın inkişafı üçün yeni imkanların yaradılmasından gedib.
FİA-nın əsas vəzifələrindən biri idmanımızı daha əlçatan etməkdən ibarət olub. Biz onun bütün səviyyələrdə inkişafını təmin etməli, yeni auditoriya cəlb etməli və dünyanın müxtəlif regionlarında insanlar üçün imkanlar açmalıyıq.
Ruanda Prezidenti Pol Kaqameni ölkəsi üçün bu mühüm hadisə münasibətilə təbrik edirəm. Həmçinin Stefano Domenikali və Formula1 tarixində bu yeni mərhələni mümkün edən əməkdaşlığa töhfə verən hər kəsə təşəkkür etmək istəyirəm”.
Stefano Domenikali: “Bu gün Formula1 üçün tarixi an yetişib. Gələn onillikdən etibarən Ruandanın təqvimdə yer alması ilə çempionatımız yaşayış olan bütün qitələrdə təmsil olunacaq və dünya üzrə azarkeşlər Formula1-ə daha da yaxın olacaqlar.
Afrika hər zaman Formula1-in gələcək planlarının bir hissəsi olub. Ən başından etibarən qitəyə düzgün şərtlərlə qayıtmaq istəmişik – etibarlı tərəfdaş tapmaq, uzunmüddətli öhdəlik götürmək və hansı nəticələrə nail olmaq istədiyimizi aydın şəkildə anlamaq.
Mən Ruanda Respublikasının Prezidenti Pol Kaqameyə, ölkə hökumətinə, Ruanda İnkişaf Şurasına, FİA prezidenti Muhəmməd Ben Sulayemə və bu layihəni mümkün edən səyləri və əməkdaşlığı ilə seçilən hər kəsə təşəkkür etmək istəyirəm.
Söhbət sadəcə Qran Pri keçirilməsindən qat-qat böyük məsələdən gedib. Birlikdə turizmin inkişafı, investisiyaların cəlb olunması, mütəxəssislərin hazırlanması və yerli biznesin dəstəklənməsi sayəsində uzunmüddətli iqtisadi və sosial nəticələr əldə edə bilərik. Yarışın keçirilməsinin müsbət təsirinin sonrakı illərdə də hiss olunması vacibdir.
Bu, azarkeşlərimiz üçün xüsusilə sevindirici xəbər olub. Afrikada artıq Formula1-in 100 milyondan çox azarkeşi var və onların sayı sürətlə artır. Biz Formula1-in şousunu, emosiyalarını və gərgin mübarizəsini çempionatın qitəyə qayıdışını çoxdan gözləyən milyonlarla insana daha da yaxınlaşdırırıq. Ümid edirik ki, birlikdə idmanımızın tarixində yeni maraqlı bir fəsil yazacağıq”.
Formula1-in Afrika qitəsində sonuncu mərhələsi 1993-cü ildə baş tutub. Həmin vaxt Cənubi Afrika Qran Prisini Alain Prost qazanıb, onunla birlikdə podiuma Ayrton Senna və Mark Blundell yüksəliblər.
