“Biz alman tərəfi ilə əlaqələri ilk dəfə bərpa etmişik, – dedi Formula 1-in prezidenti və icraçı direktoru. – Hockenheim tərəfdən olan şəxslərlə danışırıq ki, Almaniya Qran Prisini qaytarmaq imkanı varmı, amma bu, ən yaxın deyil, orta müddətli perspektivdə nəzərdə tutulur”.
Bəzi məlumatlı mənbələr iddia edir ki, bunun real şansları mütləq var və kifayət qədər yüksəkdir. Lakin alman mərhələsinin keçirilməsinin dayandırılmasına səbəb olan əsas problem hələ də həllini tapmayıb – yəni maliyyələşdirmə məsələsi hələ açıq qalır.
Ancaq Hockenheim autodromunun baş icraçı direktoru Yörn Teske-nin şərhində müəyyən nikbinlik əlamətləri görünür: “Bizə artıq bildirilib ki, Formula 1-də Almaniyada yarış keçirməkə böyük maraq var. Mən inanmıram ki, bütün bunlar yalnız boş söhbətdir”.
Hockenheim autodromunun yeni sahibləri olan alman emodrom event + services GmbH şirkətinin böyük planları var: 2034-cü ilədək autodromun rekonstruksiyası və infrastrukturlarının modernizasiyasına təxminən 250 milyon avro sərmayə qoymağı nəzərdə tutur. Gözlənilir ki, bu genişmiqyaslı layihənin ilk mərhələsi gələn il başa çatacaq.
Şübhəsiz ki, Almaniya Qran Prisinin qayıtmasında Audi Group maraqlıdır – illik gəlirləri təxminən 65,5 milyard avro səviyyəsində olan alman avtomobil nəhəngi artıq Formula 1-də öz fabriki komandasına sahibdir. Əgər böyük alman biznesi bu layihəyə qoşularsa, zamanla bütün məsələlər öz həllini tapacaq. Üstəlik, Liberty Media-nın son statistikası göstərir ki, çempionatın Avropa auditoriyası yenidən artır.”
