Ştiriya-2021: İkinci sərbəst yürüşlər

F-1.az bildirir ki, ilk məşqlərdə əla nəticə göstərən Qasli bu dəfə trasa çıxa bilməyib – güc qurğusunda problem aşkarlanıb və fransız sürücü sessiyanı boksdan izləməli olub.

Sayns dördüncü döngədə maşının iki təkəri çınqıllığa çıxdığı üçün yerində fırlanıb. Orada eyni səhvə Mazepin də yol verib. Lətifi isə altıncı döngədə yerində fırlanıb. Bottas pit-leyndə təkərləri dəyişdikdən sonra qaz pedalına lazım olandan çox basıb və maşın fırlanıb. McLaren mexanikləri ona maşını döndərməsi üçün kömək ediblər, lakin sonra da FİA-ya şikayət ediblər. Çünki komandanın çalışanları üçün kifayət qədər təhlükəli vəziyyət yaranıb. Stüardlar ahdisəni araşdırıblar və Valtteriya startda 3 yer itirmək cəzası ilə yanaşı, 2 cərimə balı veriblər.

Bu dəfə son 2 döngədə trasdan tam çıxmaya görə 17 nəticə ləğv edilib. Protokollara isə yenə də Maks Ferstappen başçılıq edib, bu dəfə 1:05.412-lik nəticə ilə.

Məşqlər sabah davam edəcək.

Yer	N	Sürücü	Komanda	Zaman	Fərq	Dövrə
1	33	Maks Ferstappen	Red Bull	1:05.412	–	36
2	3	Daniel Rikkardo	McLaren	1:05.748	+ 0:00.336	34
3	31	Esteban Okon	Alpine	1:05.790	+ 0:00.378	34
4	44	Lyuis Həmilton	Mercedes AMG	1:05.796	+ 0:00.384	34
5	14	Fernando Alonso	Alpine	1:05.827	+ 0:00.415	38
6	5	Sebastyan Fettel	Aston Martin	1:05.934	+ 0:00.522	37
7	4	Lando Norris	McLaren	1:05.994	+ 0:00.582	38
8	18	Ləns Stroll	Aston Martin	1:06.079	+ 0:00.667	36
9	11	Serxio Peres	Red Bull	1:06.089	+ 0:00.677	35
10	99	Antonio Covinatsi	Alfa Romeo	1:06.145	+ 0:00.733	36
11	55	Karlos Sayns	Ferrari	1:06.147	+ 0:00.735	38
12	77	Valtteri Bottas	Mercedes AMG	1:06.251	+ 0:00.839	31
13	16	Şarl Lekler	Ferrari	1:06.270	+ 0:00.858	39
14	7	Kimi Rəykkönen	Alfa Romeo	1:06.297	+ 0:00.885	40
15	22	Yuki Tsunoda	AlphaTauri	1:06.451	+ 0:01.039	39
16	63	Corc Rassell	Williams	1:06.628	+ 0:01.216	39
17	47	Mik Şumaxer	Haas	1:06.886	+ 0:01.474	29
18	9	Nikita Mazepin	Haas	1:07.404	+ 0:01.992	29
19	6	Nikolas Latifi	Williams	1:07.669	+ 0:02.257	32
20	10	Pyer Qasli	AlphaTauri	–	–	0