15 Dekabr 2019, Bazar - 19:13

Pirelli yağış təkərlərinin üzərində işləyəcək

Pirelli yağış təkərlərinin üzərində işləyəcək

Müəllif: Rauf Hacıyev, redaktor

14:11 - 04 Mart, 2017

Barselonada keçirilən testlərin son günündə trası süni formada sulayan Pirelli şirkəti yeni yağış təkərlərini daha yaxşı vəziyyətə gətirmək üçün əlindən gələni edir.

F-1.az xatırladır ki, yağış təkərlərinin süni suvarma sistemi olan Pol Rikar trasında test edilməsi məsləhət görülmüşdü. Amma Barselonadakı testlərin son günündə su maşınları ilə tras sulansa da, günəşin təsiri ilə tras vaxtından əvvəl quruyub və Pirelli yağış təkərlərini lazımi qədər test edə bilməyib.

Bu barədə Pirelli Motorsport-un rəhbəri Pol Hembri danışıb: “Fyoranoda da var idi. Amma Barselonadakı testlərdə fərqli şərtlərlə üzləşdik. Köhnə texnologiyalı sulama maşınları ilə trası islatmalı olduq. Trasdakı şərait davamlı dəyişirdi. Amma təkərlər gec qızırdılar. Bununla bağlı araşdırmalara davam edəcəyik”.

Kimi Rəykkönen yağış təkərləri barədə bunları deyib: “Nəsə demək çətindir. Tras yağışlı havadakı kimi yaş deyildi. Bu şəraiti yaratmaq onlara asan olmadı. Yağış təkərlərini tam test etmədən heç nə deyə bilmərik”.


Son Xəbərlər

İnformasiya

Bölüm Xəbərlər
Mənbə
Baxış Sayı 2. 647
Teqlər , , , , ,
Paylaş

logo