F-1.az xəbər verir ki, martın 1-dən güc qurğusunun bu elementlərinin təkmilləşdirilməsi 2025-ci il mövsümünün sonuna kimi dondurulur, 2026-cı ildə isə yeni qaydalar qüvvəyə minəcək və Formula1 yeni nəsil mühərriklərə keçəcək.
Sentyabrın 1-dək istehsalçılar MGU-K motor generatorunu, akkumulyatoru və idarəetmə blokunu təkmilləşdirə biləcəklər. Bundan sonra güc qurğusunun səmərəliliyinə təsir edən hər hansı təkmilləşdirmə tam qadağan ediləcək.
Bu tarixdən yalnız etibarlılıq və ya təhlükəsizliklə bağlı problemlər yaranarsa, istehsalçılar FİA-nın nəzarəti altında mühərrikin əsas xüsusiyyətlərini dəyişməyən bəzi dəyişikliklər edə biləcəklər.
