F-1.az xəbər verir ki, Günter Red Bull-un qalan 20 yarışın hamısında rəqiblərindən bu qədər güclü olacağına inanmır.
Günter Ştayner: “İdman bizim sahib olmalı olduğumuz əsas komponentdir. Şou kənar amildir və inanıram ki, bu məsələ həll olunacaq. Qarşıda bizi Çeko ilə Maks arasında möhtəşəm mübarizə gözləyir, bu da şousuz keçmir. Şou var və mən yeni tamaşaçıdan narahat deyiləm.
Hesab edirəm ki, indiki tənzimləmə işləyir. Aydındır ki, Red Bull-un indi üstünlüyü var, amma 20 yarışda buna sahib olacağını düşünmürəm. Çünki hər kəs fərqi azaldacaq. Ümid edirəm ki, Red Bull-un liderliyi necə əldə etdiyini öyrənəcəyik”.
