Ford Formula1-ə marağı barədə şayiələrə münasibət bildirib

Son aylar 2026-cı ildə güc qurğuları ilə bağlı yeni reqlamentin qüvvəyə mindiyi vaxt Formula1-də iştirak etməkdə maraqlı ola biləcək şirkətlər arasında Amerika avtomobil nəhəngi Ford-un adı dəfələrlə çəkilib.

F-1.az xəbər verir ki, Ford özü söz-söhbətlərə əhəmiyyət verməyib, lakin şirkətin NASCAR yarış seriyasında iştirakına həsr olunmuş tədbirdə Ford-un Red Bull komandasının tərəfdaşı kimi Formula1-ə qayıtması mövzusu jurnalistlər tərəfindən yenidən gündəmə gətirilib. Şirkətin idman bölməsinin rəhbəri Mark Raşbruk şayiələrə münasibət bildirməli olub.

Mark Raşbruk: “İlk növbədə, mən NASCAR haqqında danışmaq üçün gəldiyimi bildirmək istəyirəm, çünki biz bu seriyada iştirak etməyə köklənmişik. Əlbəttə, biz Formula1-lə bağlı müxtəlif fərziyyələrdən xəbərdarıq, lakin hazırda mahiyyəti ilə bağlı cavab verəcək bir şeyimiz yoxdur”.

Xatırladaq ki, Ford 2004-cü ilin sonunda Formula1-i tərk edərək Jaguar zavod komandasını Red Bull-a satmışdı. Dörd il sonra Ford şirkəti Jaguar və Land Rover brendlərini Hindistanın Tata Motors şirkətinə 2 milyard dollardan çox qiymətə satmışdı.

, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*