17 Dekabr 2018, Bazar ertəsi - 07:43

Fettel startda 3 yer itirəcək

Fettel startda 3 yer itirəcək

Müəllif: Rəhim N.Əliyev, baş redaktor

19:39 - 30 İyun, 2018

Avstriya Qran Prisinin stüardları sıralanma turunun ikinci sessiyasında Karlos Saynsı bloklayan Sebastyan Fetteli cəzalandırmaq qərarına gəliblər.

F-1.az xatırladır ki, sürətli dövrəsindən sonra aşağı sürətlə boksa qayıdan Sebastyanın maşını ilə toqquşmamaq üçün sürətli dövrədə olan Karlos trasdan kənara çıxmalı olub.

Stüardların otağında izahat verən almaniyalı sürücü bildirib ki, iki döngə arasında güzgülərdə arxadan gələn maşını görmək mümkün deyil, komanda isə onu barədə xəbərdar etməyib. Ferrari-nin nümayəndəsi sürücünün dediklərini təsdiq edib. Amma stüardlar qeyd ediblər ki, güzgülərdə görüntünün belə çətin olduğu bir yerdə Fettel trayektoriyada qalmaqla sürətini bu qədər azaltmalı deyildi.

Sonda onlar Fetteli startda 3 yer itirməklə cəzalandırıblar, sürücünün super lisenziyasına isə bir cərimə balı yazılıb.

Beləliklə, sabah yarışa ikinci cərgədən Rəykkönen və Ferstappen start verəcəklər. Fettel isə Rikkardonun yanında 3-cü cərgədən yarışa başlayacaq…


Son Xəbərlər

İnformasiya

Bölüm Xəbərlər
Mənbə
Baxış Sayı 203
Teqlər , , , ,
Paylaş

logo