E.Okon: “Force İndia qələbə qazana bilər”

Force İndia komandasının sürücüsü Esteban Okon bildirib ki, hindistanlılar büdcələrinə görə əla il görürlər və belə davam etsələr, qələbə də qazana bilərlər.

F-1.az xatırladır ki, Hindistan komandası Formula1-ə gəldikdən sonra hər mövsüm inkişaf edir və son iki mövsümdə turnir cədvəlində 4-cü yeri tuta bilib.

Esteban Okon: “Bir-iki yarışı saymasaq, Force İndia-nın ən yaxşı mövsümü idi. Mercedes, Ferrari və Red Bull güclü resursa sahibdirlər və ən güclü komanda onlardır. Onlar kimi olmasaq da, sübut etdik ki, ən yaxşı nəticələri qazana bilərik. Məncə, ən faydalı işləri görən komandayıq. Sahib olduğumuz büdcəyə və resursa baxsanız, bunu görə bilərsiniz. Bu il daha güclü olacağımıza inanıram. Bəlkə, qələbə də qazanarıq. Buna inanmalıyıq. Çətinliklərlə mübarizə aparmalıyıq. Komandada güclü və təcrübəli adamlar var. Hamı daha güclü nəticələr barədə düşünür. Bu il üçün əla fikirlərimiz var. Buna görə həyəcanlıyam.

Keçən il Serxio ilə mübarizəmizə görə çox xallar itirsək də, Force İndia ən yaxşı nəticəsini aldı. Aramızdakı mübarizə bizə kömək etdi”.

,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*