10 Dekabr 2018, Bazar ertəsi - 09:08

Braziliya-2018: Yarış

Braziliya-2018: Yarış

Müəllif: Rəhim N.Əliyev, baş redaktor

22:57 - 11 Noyabr, 2018

Sürücülər arasında titulun taleyi iki həftə əvvəl Meksikada həll olunmuşdu, Mühəndislər Kubokunda isə mübarizə davam edirdi. San Pauluya Mercedes 55 xallıq üstünlüklə gəlib, ona görə də yarışda Ferrari rəqiblərindən ən azı 12 xal artıq qazanmalı idi ki, titulun müqəddaratını Əbu Dabiyə keçirsin.

F-1.az bildirir ki, İnterlaqosun qısa dövrəsində nəticələr ənənəvi sıx alınıb. Qüvvələr nisbəti bərabər olub. Məşqlərdə Ferstappen, Bottas və Fettel protokollara başçılıq etsələr də, sıralanma turunda Lyuis Həmilton hamını qabaqlayıb. Fettel rəqibinə cəmi 0.093 saniyə uduzub – Lyuisin birinciliyi Mercedes komandası üçün 100-cü olub.

Pirelli Braziliyaya orta üçlüyü – Medium, Soft, SuperSoft tərkiblərini gətirib. Sıralanma turunun 2-ci sessiyasında narın yağan yağış altında güclü komandaların sürücüləri Soft tərkiblə yaxşı nəticə göstərməyə çalışsalar da, bunu yalnız Ferrari sürücüləri edə biliblər – ona görə də ilk onluqda yalnız Fettel və Rəykkönen starta Soft-la çıxıblar.

İlk cərgədə Həmilton və Fettel, ikinci cərgədə isə komandaların ikinci sürücüləri – Bottas və Rəykkönen yer alıblar. Üçüncü cərgəni Red Bull sürücüləri tutsalar da, Rikkardo cəriməsi üzündən yerini Erikssona verməli olub.

Starta yalnız Hartli Medium-la çıxıb, sıralanma turunu ilk onluqda başa vuran sürücülərdən başqa yalnız Peres starta SuperSoft seçib, yerdə qalan sürücülər isə Soft-a üstünlük veriblər.

Startda Həmilton liderliyini qoruyub, Bottas Fetteli, Ferstappen isə Rəykköneni üstələyib. Amma bir neçə döngədən sonra Kimi mövqeyini geri qaytara bilib. Eriksson Qrojanla təmasdan sonra bir neçə yer itirib. Rikkardo startda Peresin arxasına düşsə də, növbəti dövrədə onu, Maqnusseni və Erikssonu qabaqlayaraq 9-cu yerə yüksəlib.  2-ci döngənin sonunda ilk onluq: Həmilton – Bottas – Fettel – Rəykkönen – Ferstappen – Lekler – Qrojan – Qasli – Rikkardo – Eriksson.

3-cü dövrənin əvvəlində Ferstappen Rəykköneni, Rikkardo isə Qaslini arxada qoyub. 4-cü dövrədə Maks Fettelə hücume dib və irəli çıxıb. Bundan sonra səhvə yol verən Sebastyanı komanda yoldaşı da qabaqlayıb. Rikkardo isə əvvəlcə Qrojanı, növbəti dövrədə isə Lekleri də arxada qoyaraq ilk altılığa daxil olub. 5-ci dövrənin sonunda ilk onluq: Həmilton – Bottas – Ferstappen – Rəykkönen – Fettel – Rikkardo – Lekler – Qrojan – Qasli – Eriksson.

10-cu dövrədə Ferstappen Bottası da keçərək, Həmiltonun arxasınca yollanıb. Bottas həmyerlisi Rəykkönenin hücumlarına məruz qalmağa başlayıb.

16-cı dövrədə Alonso planlı ilk pit-stopuna yollanıb. Bir dövrə sonra Sirotkin, növbəti dövrədə isə Strol boksa baş çəkiblər. 19-cu dövrədə Bottas və Eriksson, 20-ci dövrədə isə yarışın lideri Həmilton pit-stop reallaşdırıblar.

21-ci dövrədə yerində fırlanan Eriksson boksa qayıdıb və mübarizəni dayandırıb. 22-ci dövrdə Qasli yeni təkərlərə keçib. 26-cı dövrədə Sayns, 28-ci dövrədə Fettel və Vandorn mexaniklərə qonaq olublar. 32-ci dövrədə Rəykkönen, 33-cü dövrədə Qrojan təkərlərini dəyişiblər. Hülkenberq boksa qayıdaraq maşını tərk edib.

Ferrari sürücüləri Bottası sıx təqib ediblər – komandanın əmri ilə Fettel Rəykköneni irəli buraxıb. 36-cı dövrədə yarışın lideri Ferstappen və Lekler boksa yollanıblar. Medium seçmiş rəqiblərindən fərqli olaraq, Maks daha yumşaq Soft-la trasa qayıdıb və Həmiltonla 3 saniyəlik fərqi aradan qaldırmağa başlayıb.

40-cı dövrədə Rikkardo və Peres yeni təkərlərə keçiblər. Ferstappen isə start-finiş düzlüyündə Həmiltonu asanlıqla keçərək liderliyə yüksəlib və dərhal uzaqlaşmağa başlayıb. 41-ci dövrənin sonunda ilk onluq: Ferstappen – Həmilton – Bottas – Rəykkönen – Fettel – Rikkardo – Maqnussen – Lekler – Qrojan – Hartli.

41-ci dövrədə Okon və Maqnussen təkərlərini dəyişiblər. 44-cü dövrədə start-finiş düzlüyündə Rəykkönen həmyerlisini qabaqlayıb – öndə isə təzə təkərlərin üstünlüyündən istifadə etməklə liderlə bir dövrəyə qayıtmaq istəyən Okon ilk döngəyə təkər-təkərə girib – ikinci döngədə isə Maks və Esteban ciddi təmasdan sonra yerlərində fırlanıblar. Həmilton liderliyə yüksəlib, Maks isə Rəykköneni arxasında saxlaya bilib. Stüardlar bu insidenti araşdırdıqdan sonra Okona 10 saniyəlik Stop&Go cəzası veriblər. 46-cı dövrədə Rikkardo Fetteli üstələyərək 5-ci yerə yükəslib. 48-ci dövrənin sonunda ilk onluq: Həmilton – Ferstappen – Rəykkönen – Bottas – Rikkardo – Fettel – Lekler – Qrojan – Maqnussen – Peres.

50-ci dövrədə Sayns və Hartli növbəti dəfə boksa yollanıblar. 54-cü dövrədə Fettel də təkərlərini yeniləyib. 59-cu dövrədə Rikkardo Bottası da üstələyərək 4-cü yerə yüksəlib. Dərhal bundan sonra Bottas boksa tələsib və fettelin önündə trasa qayıdıb. Alonso mavi bayraqlara məhəl qoymadığı üçün 5 saniyəlik cərimə alıb. 60-cı dövrənin sonunda ilk onluq: Həmilton – Ferstappen – Rəykkönen – Rikkardo – Bottas – Fettel – Lekler – Qrojan – Maqnussen – Peres.

Son dövrələrdə altlığı zədələnmiş Ferstappen yenidən Həmiltona çatıb – ilk dördlük 5 saniyəyə yerləşib, amma sürücülərin mövqeləri dəyişməyib.

Lyuis Həmilton Braziliya Qran Prisində finiş xəttini birinci keçməklə, mövsümdə 10-cu, karyerasında isə 72-ci qələbəsini qazanıb. Maks ikinci, Kimi isə üçüncü yeri tutub. Mercedes komandası vaxtından əvvəl Mühəndislər Kubokunu qazanıb – ardıcıl 5-ci dəfə.

İki həftədən sonra mövsüm Əbu Dabidə başa çatacaq…

YerNSürücüKomandaZaman/FərqPit
144Lyuis HəmiltonMercedes1:27:09.0661
233Maks FerstappenRed Bull+ 0:01.4691
37Kimi RəykkönenFerrari+ 0:04.7641
43Daniel RikkardoRed Bull+ 0:05.1931
577Valtteri BottasMercedes+ 0:22.9432
65Sebastyan FettelFerrari+ 0:26.9972
716Şarl LeklerSauber+ 0:44.1991
88Roman QrojanHaas+ 0:51.2301
920Kevin MaqnussenHaas+ 0:52.8571
1011Serxio PeresRacing Point+ 1 dövrə1
1128Brendon HartliToro Rosso+ 1 dövrə1
1255Karlos SaynsRenault+ 1 dövrə2
1310Pyer QasliToro Rosso+ 1 dövrə1
1431Esteban OkonRacing Point+ 1 dövrə2
152Stoffel Vandorn (*)McLaren+ 1 dövrə1
1635Sergey SirotkinWilliams+ 2 dövrə1
1714Fernando Alonso (**)McLaren+ 2 dövrə2
1818Ləns StrollWilliams+ 2 dövrə2

(*) – Mavi bayraqlara məhəl qoymadığı üçün Stoffel Vandornun yekun nəticəsinə 5 saniyə əlavə olunub
(**) – Mavi bayraqlara məhəl qoymadığı üçün Fernando Alonsonun yekun nəticəsinə 5 saniyə əlavə olunub

Sürətli dövrə: Valtteri Bottas (Mercedes) – 1:10.540 (65-ci dövrə, 219.909 km/saat).

MÜBARİZƏNİ DAYANDIRANLAR:

SürücüKomandaDövrəSəbəb
Markus ErikssonSauber21mexaniki problemlər
Niko HülkenberqRenault33soyutma sistemi

SÜRÜCÜLƏRİN ÇEMPİONATI:

YerNSürücüÖlkəKomandaXal
144Lyuis HəmiltonMercedes AMG Petronas Motorsport383
25Sebastyan FettelScuderia Ferrari302
37Kimi RəykkönenScuderia Ferrari251
477Valtteri BottasMercedes AMG Petronas Motorsport237
533Maks FerstappenAston Martin Red Bull Racing234
63Daniel RikkardoAston Martin Red Bull Racing158
727Niko HülkenberqRenault Sport Formula 1 Team69
811Serxio PeresRacing Point Force İndia58
920Kevin MaqnussenHaas F1 Team55
1014Fernando AlonsoMcLaren F1 Team50
1131Esteban OkonRacing Point Force İndia49
1255Karlos SaynsRenault Sport Formula 1 Team45
138Roman QrojanHaas F1 Team35
1416Şarl LeklerAlfa Romeo Sauber F1 Team33
1510Pyer QasliRed Bull Toro Rosso Honda29
162Stoffel VandornMcLaren F1 Team12
179Markus ErikssonAlfa Romeo Sauber F1 Team9
1818Ləns StrollWilliams Martini Racing6
1928Brendon HartliRed Bull Toro Rosso Honda4
2035Sergey SirotkinWilliams Martini Racing1

MÜHƏNDİSLƏR KUBOKU:

YerKomandaMotorXal
1Mercedes AMG Petronas MotorsportMercedes620
2Scuderia FerrariFerrari553
3Aston Martin Red Bull RacingRenault392
4Renault Sport Formula 1 TeamRenault114
5Haas F1 TeamFerrari90
6McLaren F1 TeamRenault62
7Racing Point Force İndiaMercedes48
8Alfa Romeo Sauber F1 TeamFerrari42
9Red Bull Toro Rosso HondaHonda33
10Williams Martini RacingMercedes7

Son Xəbərlər

İnformasiya

Bölüm Xəbərlər
Mənbə
Baxış Sayı 434
Teqlər , , , , , ,
Paylaş

logo