F-1.az bir daha xatırladır ki, hələ iki ay əvvəl komandalar təkər seçimini edərkən avqust ayının sonunda Ardenn dağlarının ətəklərində havaların soyuq olmasını nəzərə alaraq üstünlüyü SuperSoft tərkibinə vermişdilər. Amma dünən məlum oldu ki, qırmızı təkərlər 40 dərəcəyədək qızmış asfaltda bir neçə dövrədən sonra effektivliklərini itirirlər. Bu gün səhər komandalar təkərlər və sazlanmalarla işlərini davam etdiriblər – mühəndislər dünən topladıqları məlumatlar əsasında sazlanmalara düzəlişlər ediblər.
Sessiyanın əvvəlində 4-cü və -ci döngələr arasında Qutyerres Verlyaynı bloka salıb, Paskal böyük sürətlə trasdan çıxmalı olub, amma qəzadan qaça bilib – bu insidentə görə stüardlar meksikalı sürücünü sabahkı yarışın startında yer itirməklə cəzalandırıblar. Maqnussenin Fetteli bloka salması isə adi yarış insidenti hesab edilib və danimarkalı sürücüyə cərimə verilməyib.
Markus Eriksson gücqurğusundan gileylənsə də, sessiyanın sonunda trasa qayıdıb. Maks Ferstappen isə güc qurğusundakı problem üzündən sessiyanı buraxmalı olub.
Protokollara Kimi Rəykkönen başçılıq edib – 1:47.974. Nahardan sonra bizi maraqlı sıralanma turu gözləyir…
| Yer | N | Sürücü | Komanda | Zaman | Fərq | Dövrə |
| 1 | 7 | Kimi Rəykkönen | Ferrari | 1:47.974 | – | 11 |
| 2 | 3 | Daniel Rikkardo | Red Bull | 1:48.189 | + 0:00.215 | 18 |
| 3 | 5 | Sebastyan Fettel | Ferrari | 1:48.297 | + 0:00.323 | 12 |
| 4 | 77 | Valtteri Bottas | Williams | 1:48.504 | + 0:00.530 | 17 |
| 5 | 44 | Lyuis Həmilton | Mercedes AMG | 1:48.635 | + 0:00.661 | 20 |
| 6 | 27 | Niko Hülkenberq | Force İndia | 1:48.739 | + 0:00.765 | 12 |
| 7 | 6 | Niko Rosberq | Mercedes AMG | 1:48.742 | + 0:00.768 | 19 |
| 8 | 19 | Felipe Massa | Williams | 1:48.783 | + 0:00.809 | 21 |
| 9 | 11 | Serxio Peres | Force İndia | 1:48.915 | + 0:00.941 | 12 |
| 10 | 8 | Roman Qrojan | Haas | 1:49.272 | + 0:01.298 | 16 |
| 11 | 14 | Fernando Alonso | McLaren | 1:49.453 | + 0:01.479 | 9 |
| 12 | 21 | Esteban Qutyerres | Haas | 1:49.631 | + 0:01.657 | 16 |
| 13 | 22 | Censon Batton | McLaren | 1:49.665 | + 0:01.691 | 10 |
| 14 | 20 | Kevin Maqnussen | Renault | 1:49.716 | + 0:01.742 | 11 |
| 15 | 94 | Paskal Verlyayn | Manor | 1:49.761 | + 0:01.787 | 15 |
| 16 | 26 | Daniil Kvyat | Toro Rosso | 1:50.023 | + 0:02.049 | 9 |
| 17 | 55 | Karlos Sayns | Toro Rosso | 1:50.078 | + 0:02.104 | 9 |
| 18 | 30 | Colion Palmer | Renault | 1:50.241 | + 0:02.267 | 11 |
| 19 | 12 | Felipe Nasr | Sauber | 1:50.420 | + 0:02.446 | 13 |
| 20 | 31 | Esteban Okon | Manor | 1:50.693 | + 0:02.719 | 18 |
| 21 | 9 | Markus Eriksson | Sauber | 1:51.319 | + 0:03.345 | 5 |
| 22 | 33 | Maks Ferstappen | Red Bull | – | – | 2 |
