F-1.az xatırladır ki, sprint yarışlı həftəsonunun yeganə məşqlərində Karlos Sayns hamıdan sürətli olub.
İlk sessiyada maşınlara keçid təkərləri taxılıb. Bir çox sürücü trasdan çıxdığı üçün dövrəvi nəticəsi ləğv edilib. Lekler 1:58.300 ilə ən sürətli olub, növbəti on sürücü də 1 saniyəlik interval içində nəticə göstərib. Yağış dayanıb, trasın vəziyyəti düzəlib. Bu da nəticələrə dərhal təsir edib. Hülkenberq, Rikkardo, Sarcent, Çjou və Elbon mübarizəni dayandırıb.
İkinci sessiyada da maşınlarda yaşıl təkərlər görünüb. Lakin tezliklə radiodanışıqlarda sliklərə keçiddən bəhs edilməyə başlanıb. İlk addımı isə Bottas atıb. Okon sürüşərək trasdan çıxıb və ön qanadı zədələyib. Fransız sürücü boksa qayıdıb. Maqnussen də eyni səhvə yol verib və bariyerləri düzəltmək lazım gəlib. Bu dəfə lider Piastri olub – 1.51.534. Okon, Bottas, Maqnussen, Qasli və Tsunoda üçün sıralanma turu başa çatıb.
Final sessiyası Maqnussenin qəzasına görə 3 dəqiqə gec başlayıb. Bütün sürücülər Soft təkərlərdən istifadə ediblər. Lekler ilk cəhdində sürətli olub, ikincidə isə Ferstappen onu qabaqlayıb – 1.46.148.
Beləliklə, Maks Ferstappen ən sürətli olsa da, startda 5 yer itirəcəyi üçün poulun sahibi Şarl Lekler olub. Monakolu sürücü mövsümdə Azərbaycandan sonra ikinci, karyerasında isə 20-ci poulunu əldə edib.
Bazar günkü yarışa o, Serxio Pereslə birlikdə ən ön cərgədən başlayacaq. Sabah isə bizi sprint yarışı və öncəsində onun sıralanma turu gözləyir…
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 2 | 1:58.515 | 8 | 10 | 1:52.784 | 8 | 1:46.168 | 6 |
| 2 | 16 | Şarl Lekler | Ferrari | 1 | 1:58.300 | 9 | 3 | 1:52.017 | 8 | 1:46.988 | 6 |
| 3 | 11 | Serxio Peres | Red Bull | 7 | 1:58.899 | 8 | 7 | 1:52.353 | 8 | 1:47.045 | 6 |
| 4 | 44 | Lyuis Həmilton | Mercedes | 3 | 1:58.563 | 9 | 6 | 1:52.345 | 8 | 1:47.087 | 7 |
| 5 | 55 | Karlos Sayns | Ferrari | 4 | 1:58.688 | 9 | 2 | 1:51.711 | 8 | 1:47.152 | 6 |
| 6 | 81 | Oskar Piastri | McLaren | 6 | 1:58.872 | 9 | 1 | 1:51.534 | 8 | 1:47.365 | 6 |
| 7 | 4 | Lando Norris | McLaren | 14 | 1:59.981 | 8 | 5 | 1:52.252 | 7 | 1:47.669 | 6 |
| 8 | 63 | Corc Rassell | Mercedes | 8 | 1:59.035 | 9 | 8 | 1:52.605 | 8 | 1:47.805 | 7 |
| 9 | 14 | Fernando Alonso | Aston Martin | 5 | 1:58.834 | 8 | 9 | 1:52.751 | 8 | 1:47.843 | 6 |
| 10 | 18 | Ləns Stroll | Aston Martin | 13 | 1:59.663 | 8 | 4 | 1:52.193 | 8 | 1:48.841 | 6 |
| 11 | 22 | Yuki Tsunoda | AlphaTauri | 9 | 1:59.044 | 8 | 11 | 1:53.148 | 7 | ||
| 12 | 10 | Pyer Qasli | Alpine | 11 | 1:59.511 | 9 | 12 | 1:53.671 | 8 | ||
| 13 | 20 | Kevin Maqnussen | Haas | 15 | 2:00.020 | 9 | 13 | 1:54.160 | 8 | ||
| 14 | 77 | Valtteri Bottas | Alfa Romeo | 10 | 1:59.484 | 9 | 14 | 1:54.694 | 8 | ||
| 15 | 31 | Esteban Okon | Alpine | 12 | 1:59.634 | 8 | 15 | 1:56.372 | 5 | ||
| 16 | 23 | Aleksander Elbon | Williams | 16 | 2:00.314 | 8 | |||||
| 17 | 24 | Qaunyu Çoju | Alfa Romeo | 17 | 2:00.832 | 9 | |||||
| 18 | 2 | Loqan Sarcent | Williams | 18 | 2:01.535 | 6 | |||||
| 19 | 3 | Daniel Rikkardo | AlphaTauri | 19 | 2:02.159 | 8 | |||||
| 20 | 27 | Niko Hülkenberq | Haas | 20 | 2:03.166 | 5 | |||||
