F-1.az xatırladır ki, komandalar təqdimatlarda əsasən yeni maşınları yox, rəng çalarlarını tanıtmağa üstünlük vermişdilər, lakin bu gün mövsüm ərzində yarışacaqları maşınları real olaraq trasa çıxarıblar.
Bu gün ancaq Haas komandasının yeni maşınının təqdimat mərasimi baş tutub, qalanları sakitcə öz proqramlarına başlayıblar.
İlk saatlar daha çox aerodinamik həllərin yoxlanılmasına yönəldilib. Buna görə də, maşınlar onlara quraşdırılmış əlavə panellərlə və aerodinamik boyalarla trasa çıxıblar. Keçən ildən bəri qaydalarda ciddi dəyişikliklər olmadığı üçün problemlər də az olub. Artıq nahara qədər sürücülərin çoxu Bəhreyn Qran Prisindən (57 dövrə) daha uzun məsafə qət ediblər.
Keçən il əsas problem maşınların şaquli yırğalanması idisə, bu il nisbətən sabitlik müşahidə edilib, lakin Ferrari və Alpine-da eyni problem digər komandalardan sanki daha çoxdur.
Gün ərzinsə sessiya qırmızı bayraqlarla yalnız bir dəfə – Felipe Druqoviş motordakı problemə görə dayanmalı olduğu üçün yarım saatlıq saxlanılıb. Gənc sürcü daha sonra proqramına davam edə bilib. Norris boksda bir saatdan çox vaxt itirib, Alonso və Hülkenberq bordürlərə hücum zamanı maşını cüzi zədələyiblər. Bir çoxları əyləcləri bloklayaraq trasdan çıxmalı olub, lakin Bəhreyndə təhlükəsizlik zonaları olduqca genişdir.
Red Bull-dan başqa bütün komandalar günlük proqramı iki sürücü arasında bölüblər. Maks həm ən sürətli dövrənin sahibi olub (1:32.837), həm də 157 dövrə vuraraq Red Bull-u ən çox məsafə qət edən komanda edib – 157 dövrə.
Bu gün heç kim maksimal sürətlənməyə və nəticələr göstərməyə tələsməyib. Testlər sabah davam edəcək və komandalar maşınların potensialını bir qədər də açacaqlar…
| Yer | N | Sürücü | Komanda | Zaman | Fərq | Dövrə | Təkər |
| 1 | 1 | Maks Ferstappen | Red Bull | 1:32.837 | – | 157 | C3 |
| 2 | 14 | Fernando Alonso | Aston Martin | 1:32.866 | + 0:00.029 | 60 | C3 |
| 3 | 55 | Karlos Sayns | Ferrari | 1:33.253 | + 0:00.416 | 72 | C3 |
| 4 | 16 | Şarl Lekler | Ferrari | 1:33.267 | + 0:00.420 | 64 | C3 |
| 5 | 4 | Lando Norris | McLaren | 1:33.462 | + 0:00.625 | 40 | C3 |
| 6 | 44 | Lyuis Həmilton | Mercedes | 1:33.508 | + 0:00.671 | 83 | C3 |
| 7 | 23 | Aleksander Elbon | Williams | 1:33.671 | + 0:00.834 | 74 | C4 |
| 8 | 24 | Quanyu Çjou | Alfa Romeo | 1:33.723 | + 0:00.886 | 67 | C3 |
| 9 | 63 | Corc Rassell | Mercedes | 1:34.174 | + 0:01.337 | 69 | C3 |
| 10 | 2 | Loqan Sarcent | Williams | 1:34.324 | + 0:01.487 | 75 | C3 |
| 11 | 27 | Niko Hülkenberq | Haas | 1:34.424 | + 0:01.587 | 51 | C3 |
| 12 | 77 | Valtteri Bottas | Alfa Romeo | 1:34.558 | + 0:01.721 | 71 | C3 |
| 13 | 21 | Nik de Friz | AlphaTauri | 1:34.559 | + 0:01.722 | 85 | PR |
| 14 | 34 | Felipe Druqoviç | Aston Martin | 1:34.564 | + 0:01.727 | 40 | C3 |
| 15 | 22 | Yuki Tsunoda | AlphaTauri | 1:34.671 | + 0:01.834 | 46 | C3 |
| 16 | 10 | Pyer Qasli | Alpine | 1:34.822 | + 0:01.985 | 60 | C2 |
| 17 | 31 | Esteban Okon | Alpine | 1:34.871 | + 0:02.034 | 53 | C2 |
| 18 | 81 | Oskar Piastri | McLaren | 1:34.888 | + 0:02.051 | 52 | C3 |
| 19 | 20 | Kevin Maqnussen | Haas | 1:35.087 | + 0:02.250 | 57 | C3 |
