Ceyms Vaulz: “Karlos və Aleks trasda toqquşdular və bu, kimin günahkar olmasından başlayaraq çoxlu suallar doğurur. Dərhal deyim: hər iki sürücü bir-biri ilə toqquşmamaq üçün məsuliyyət daşıyır. Amma məsuliyyətin bir hissəsi komandanın da üzərinə düşür.
Biz virtual təhlükəsizlik avtomobili rejimi tətbiq olunanda Karlosu trasda saxlamağa çalışdıq, çünki o, pit-stop etsəydi, istənilən halda trasda Aleks və Franko Kolapinto maşınlarının arxasına düşəcəkdi. Üstəlik, FW48-in tempi onlara çatıb ötməyə imkan vermirdi.
Amma sonda məhz buna görə elə bir vəziyyət yarandı ki, sürücülərimiz bir-biri ilə mübarizəyə girişdilər, halbuki xal uğrunda mübarizə aparmırdılar. Komanda buna imkan verməməli idi. Ümumiyyətlə, həmin yarış ərzində indi şübhəli görünən müxtəlif qərarlar qəbul etdik.
Xüsusilə Karlosdan danışsaq, biz seçim etməli olduq: onu pit-stopa çağırıb mövqe itkisiylə barışmaq, yoxsa trasda mübarizəni davam etdirmək. Məhz sürücülərimizin bir-biri ilə rəqabət aparacağı çətin vəziyyətin yaranmamasına çalışdığımız halda, düşünürəm ki, yanlış qərar verildi. Xüsusən də xal uğrunda mübarizə aparmırsınızsa, bütün bunların elə də böyük əhəmiyyəti yoxdur…
Amma indi bütün gücümüzü Monzadakı mərhələyə hazırlığa yönəltmişik. Pərdəarxasında texniki yeniliklər üzərində iş gedir, amma reallıqda bu iş bir qədər gec tamamlanacaq. Qarşıdakı Monza və Madrid yarışlarından danışsaq, etiraf etməyə hazıram ki, orada bizi asan olmayan vəziyyət gözləyir.
Hazırda maşının tempi xal uğrunda mübarizə aparmaq üçün kifayət etmir və bu, məyusluq yaradır. Hər iki mərhələdə əlimizdən gələni edəcəyik, amma çətinliklər qaçılmazdır. Komanda bu qış qarşılaşdığımız problemləri aradan qaldırmaq, onların yekun həllini tapmaq və gələcəkdə təkrarlanmasına imkan verməmək üçün çoxsaylı layihələr üzərində işləməyə davam edir. Hazırda əsas vəzifəmiz budur”.
