Son illərdə komanda əməkdaşlarının sayı necə dəyişib

Aşağıda sizə tədqim olunan cədvəldə peletonda yer alan komandaların son 6 ildə əməkdaşlarının sayının dəyişmə dinamikası verilib. Bəri başdan qeyd edək ki, cədvəldə güc qurğusunun hazırlanması, istehsalı və təmiri ilə məşğul olan işçilər nəzərə alınmayıblar, çünki bu bölmə yalnız Mercedes, Ferrari və Renault komandalarında mövcuddur.

F-1.az bildirir ki, son 6 ildə Formula1 komandasında işçilərin orta sayı 30%-dən çox artıb – 450 nəfərdən 620 nəfərə çatıb. Hərçənd yeni əməkdaşlar təkcə top-komandalara deyil, digər komandalara da cəlb olunurlar. Məsələn, Racing Point komandasının məlumatına görə gələn mövsümə qədər komandaya daha 100 mütəxəssis qəbul olunacaq və əməkdaşların sayı 500 nəfəri keçəcək.

Əlbəttə, ən az işçi Haas komandasında çalışır – cəmi 250 nəfər. Komandanın fəlsəfəsi digər komandalardan fərqlənir – amerikanlar reqlamentin icazə verdiyi hər bir elementi kənar istehsalçıdan almağa çalışırlar.

Maraqlıdır ki, Williams komandası 1996-cı ildə Deymon Hillə çempionluq qazananda heyətində cəmi 250 nəfər çalışırdı. Müqayisə üçün bir faktı da əlavə edək ki, 1987-ci ildə Nelson Pike ilə çempionluq qazananda komanda 85 nəfərdən ibarət idi.

Bu gün Williams komandası büdcənin məhdudlaşdırılmasının tətbiqi zamanı optimal hesab olunan əməkdaş sayına malikdir, amma xatırladaq ki, bu heyətlə komanda mövsümü sonuncu yerdə başa vurub.

Liberty Media şirkətinin planına əsasən, 2023-cü ildə komandaların büdcəsi 150 milyon dollara bərabər olacaq, düzdür, bu büdcəyə dəqiq nəyin daxil olması barədə məlumat hələ yoxdur, amma görünən odur ki, komandalar heç bir əməkdaşı işdən çıxarmaq barədə düşünmürlər…

Formula1 komandalarının əməkdaş heyəti