19 Noyabr 2019, Çərşənbə axşamı - 07:40

S.Markionne: “Pəddi Louya ehtiyacımız yoxdur”

S.Markionne: “Pəddi Louya ehtiyacımız yoxdur”

Müəllif: Rauf Hacıyev, redaktor

14:27 - 21 Dekabr, 2016

Ferrari-nin prezidenti Sercio Markionne bildirib ki, onlar Mercedes-in texniki direktoru Pəddi Lou ilə maraqlanmırlar.

F-1.az xatırladır ki, Pəddi Lounun Mercedes-dən ayrılıb, Ferrari-yə keçəcəyi ilə bağlı söz-söhbətlər gəzirdi. Amma Lounun Mercedes-dən ayrılacağı dəqiqləşsə, o böyük ehtimalla Williams komandasına transfer olunacaq.

Sercio Markionne: “Pəddi Lou ağıllı mühəndisdir. Formula1-də çoxlu dostları var. Amma mən dəfələrlə demişəm ki, Ferrari-də ağıllı adamlar çoxdur. Maranello texniki cəhətdən çox təcrübəlidir və Pəddi Louya ehtiyacımız yoxdur.

Mövsümün gedişatına baxsaq, görərik ki, bolidi təkmilləşdirə bilmədik. Amma rəqiblərimiz bunu bacardılar. Red Bull-un necə performans göstərdiyini gördünüz.

Amma bizim iş prinsipimiz avqustda Binottonun vəzifəsi dəyişəndən sonra qaydasına düşdü. Bu qərar bizi sakitləşdirdi. Əlimizdəki qaynaqlardan daha səmərəli istifadə etməyə başladıq.

Əgər gələn il də inkişaf edə bilməsək, bu, mənim səhvim olacaq. Günahkar axtarmağa ehtiyac qalmayacaq”.


Son Xəbərlər

İnformasiya

Bölüm Xəbərlər
Mənbə
Baxış Sayı 1. 388
Teqlər , , , , ,
Paylaş

logo