Ş.Lekler Şumaxerin maşınını sürüb

Ferrari komandası Şarl Leklerə 20 il əvvəl Mixael Şumaxerin idarə etdiyi Ferrari F2003-GA maşınını Əbu Dabidə yoxlamaq imkanı verib.

F-1.az xatırladır ki, Scuderia sürücüləri bu maşınla 2003-cü ildə yeddi qələbə və beş poul qazanıblar, ümumilikdə 13 dəfə podiuma çıxıblar. Həmin il Şumaxer altıncı dəfə dünya çempionu olub və Ferrari yenidən Mühəndislər Kubokunda qələbə qazanıb.

F2003-GA, FIAT konserninin keçmiş rəhbəri Canni Anyellinin şərəfinə adlandırılıb, Ferrari-nin o zamanki texniki direktoru Ross Braun və komandanın baş dizayneri Rori Börn tərəfindən hazırlanıb.
Bazar ertəsi axşamı Şarl bort kamerasından çəkilmiş videonu sosial mediada paylaşıb və pərəstişkarları onun tarixi avtomobildə Yas Marinada dövrə vurduğunu görüblər.
Lekler maşını “güclü heyvan” adlandırıb. Komandanın sabiq rəhbəri Jan Todt da bu münasibətlə Əbu Dabiyə uçub. Uğurlu mütəxəssis yəqin ki, 20 il əvvələ qayıdaraq nostaljik hisslər yaşamış olar…
, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*