F-1.az xatırladır ki, meksikalı sürücü Force İndia komandasına 2014-cü ildə transfer olunub və hindistanlıların heyətində 4 dəfə podiuma yüksəlib.
Serxio Peres: “Mənim üçün Force İndia-da qalmaq hər şeydən əvvəl gəlirdi. Burada sürücü kimi istedadımı nümayiş etdirə bilirəm və xoşbəxtəm. Birlikdə qazandığımız uğurlara görə qürurluyam və gələcəkdə daha artığını qazanmaq istəyirəm. Komanda bu il bolidi təkmilləşdirə bildi və ən sürətli 4-cü komanda olmağımız mükəmməldir. Burada qalmaq üçün qərar vermək mənə çox asan gəldi”.
