Corc Rassell: “Kimini ürəkdən təbrik edirəm, bu onun üçün inanılmaz nəticədir! Yarışın gedişində tabloda Kiminin əvvəl 5-ci, sonra 4-cü getdiyini görəndə anladım ki, qələbə uğrunda mübarizə apara bilər.
Yarışı inamla keçirirdik, amma sonra sadəcə təkərlərlə bağlı problemlər yaşamağa başladım, halbuki Hard təkərlər elə ilk dövrələrdən yaxşı işləmirdi. Bununla belə, işlərimiz indi yay fasiləsindən əvvəlkindən bir qədər yaxşı gedir və məhz buna can atırdıq, baxmayaraq ki, əlbəttə, bu gün podiumun ən yüksək pilləsinə qalxmağa üstünlük verərdim.
Düzünü desəm, elə bilirdim ki, ikimiz də bir pit-stoplu taktika ilə gedirik və hər ikimiz trasda qalacağıq. Sonda hər şey başqa cür də alına bilərdi və taktikanı ayırmaq qərarında komandanın məntiqi var idi. Hər halda, Kimi əla temp göstərdi”.
