Portuqaliya gələn il təqvimdə Çini əvəz edə bilər

Alqarve trasında baş tutan Portuqaliya Qran Prisi 2023-cü il Formula1 çempionatının təqvimində Çin yarışını əvəzləyəcək.

F-1.az xəbər verir ki, bu barədə portuqaliyalı F1 şərhçisi Joao Karlos Koşta özünün sosial şəbəkə hesabında məlumat paylaşıb.

“Çin Qran Prisinin Portuqaliyada keçiriləcək yarışla əvəzlənməsi barədə qərar tezliklə veriləcək. Dekabrın 9-da Bolonyada keçiriləcək FİA-nın Avtoİdman üzrə Ümumdünya Şurasının iclasında təsdiq edilməli olan kiçik detallar çatışmır. Portuqaliyalı azarkeşlər, nə gözəl Milad hədiyyəsidir!”, – deyə Koşta sosial şəbəkədə sevincini öz izləyiciləri ilə bölüşüb.

Xatırladaq ki, sonuncu dəfə Şanxayda F1 mərhələsi 2019-cu ildə baş tutub, 2023-cü ildə keçiriləcək yarış təqvimdə aprel ayında yer alıb.

Formula1 rəhbərliyi Çinin koronavirusla bağlı siyasətinə görə Çindəki yarışı ləğv etmək qərarına gəlib – Pekin sürücülər və komanda heyəti üçün onlardan biri yoluxduğu halda karantin tədbirlərini yumşaltmaq istəmir. Mövcud Çin qaydalarına əsasən, COViD-19 diaqnozu qoyulmuş hər kəs bir neçə həftə sərt təcrid olunmuş vəziyyətdə qalmalıdır.

, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*