F-1.az xatırladır ki, reqlamentə əsasən, Pirelli səfər yarışlarına 14 həftə, Avropa yarışlarına isə 8 həftə qalmış təkər seçimini elan etməlidir. Bundan sonra komandalar yarış həftəsonu ərzində istifadə edəcəkləri tərkiblərin dəst sayını müəyyən edirlər və seçimlərini FİA-ya bildirirlər, federasiya isə Pirelli-dən məhz bu sayda təkər istehsal etməyi və yarışa gətirməyi tələb edir.
Hər bir Qran Priyə sürücülərə 13 dəst quru hava təkərləri veriləcək – hər tərkibdən bir dəst seçmək məcburidir, digər dəstlərin say seçimində sürücülər azaddırlar. Yarış üçün məcburi elan olunan tərkibdən istifadə etməyən sürücü əvvəlki qaydada cərimə olunur.
Sıralanma turunun son sessiyasına keçən sürücülər əvvəlki sessiyada ən yaxşı nəticəni göstərdikləri təkərlərlə start almalıdırlar və son sessiyada istifadə etdikləri ən yumşaq tərkibi Pirelli-yə qaytarmalıdırlar.
Mucelloda ilk dəfə baş tutacaq yarışa ən sərt üçlük – C1, C2 və C3 təkərləri gətiriləcək. İlk iki tərkib məcburi elan olunub. Soçidəki yarışda isə əksinə, bu il ilk dəfə olaraq daha yumşaq olan üçlük – C3, C4 və C5 tərkibləri komandaların ixtiyarlarına veriləcək ki, orada da ilk iki tərkib məcburi elan olunub.
| Tərkiblər: | С1 | С2 | С3 | С4 | C5 |
| Avstriya Qran Prisi | Hard | Medium | Soft | ||
| Avstriya (Ştiriya) Qran Prisi | Hard | Medium | Soft | ||
| Macarıstan Qran Prisi | Hard | Medium | Soft | ||
| Britaniya Qran Prisi | Hard | Medium | Soft | ||
| Britaniya (Yubiley) Qran Prisi | Hard | Medium | Soft | ||
| İspaniya Qran Prisi | Hard | Medium | Soft | ||
| Belçika Qran Prisi | Hard | Medium | Soft | ||
| İtaliya Qran Prisi | Hard | Medium | Soft | ||
| Toskana Qran Prisi | Hard | Medium | Soft | ||
| Rusiya Qran Prisi | Hard | Medium | Soft |
