Pirelli Azərbaycan Qran Prisi üçün sürücülərin təkər seçimini bəyan edib

Reqlamentə əsasən, Pirelli səfər yarışlarına 14 həftə, Avropa yarışlarına isə 8 həftə qalmış təkər seçimini elan etməlidir. Bundan sonra komandalar yarış həftəsonu ərzində istifadə edəcəkləri tərkiblərin dəst sayını müəyyən edirlər və seçimlərini FİA-ya bildirirlər, federasiya isə Pirelli-dən məhz bu sayda təkər istehsal etməyi və yarışa gətirməyi tələb edir.

Komandaların seçimi məxfi saxlanılır və yarışa 2 həftə qalmış mətbuata bildirilir. Ona görə də bu gün Pirelli Azərbaycan Qran Prisinə hər bir sürücünün etdiyi seçimi açıqlayıb.

F-1.az xatırladır ki, italyanlar Bakıya orta üçlüyü – Medium, Soft və SuperSoft təkərləri gətirəcəklərini elan etmişdilər. Kanadadakı yarışdan fərqli olaraq, bu dəfə Mercedes AMG və Ferrari komandalarının sürücülərinin seçimləri eyni olub. Sürücüləri müxtəlif seçimlər edən komandalar isə Williams və Sauber-dir. Sonda qeyd edək ki, bərk tərkiblərin hər hansı birindən yarışın gedişində mütləq istifadə olunmalıdır.

Sürücü Komanda Medium Soft SuperSoft
Lyuis Həmilton Mercedes AMG 1 4 8
Valtteri Bottas Mercedes AMG 1 4 8
Daniel Rikkardo Red Bull 2 3 8
Maks Ferstappen Red Bull 2 3 8
Sebastyan Fettel Ferrari 1 4 8
Kimi Rəykkönen Ferrari 1 4 8
Serxio Peres Force İndia 1 3 9
Esteban Okon Force İndia 1 3 9
Felipe Massa Williams 2 3 8
Ləns Stroll Williams 1 4 8
Fernando Alonso McLaren 1 2 10
Stoffel Vandorn McLaren 1 2 10
Karlos Sayns Toro Rosso 1 3 9
Daniil Kvyat Toro Rosso 1 3 9
Roman Qrojan Haas 1 4 8
Kevin Maqnussen Haas 1 4 8
Niko Hülkenberq Renault 1 4 8
Colion Palmer Renault 1 4 8
Markus Eriksson Sauber 2 3 8
Paskal Verlyayn Sauber 1 3 9
, , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*