F-1.az xəbər verir ki, bu gün 22 yaşı tamam olan avstraliyalı McLaren sürücüsü Bəhreyn və Ciddədəki uğursuzluqlardan sonra bu dəfə hər şeyin yoluna düşməsindən məmnundur.
Oscar Piastri: “İlk xallarımı qazandığım üçün xoşbəxtəm, xüsusən də ev trasında. Bu dəfə ikimiz də ilk onluğa daxil olmağımız çox xoşdur. İlk iki yarış komanda üçün o qədər də uğurlu alınmadı, lakin çox şey bizim nəzarətimizdən çıxdı.
Avstraliyada vəziyyətə daha inamla nəzarət etdik, əla nəticə əldə etdikdən sonra ardıcıl olaraq xal qazanmaq üçün növbəti yarışlarda da eyni şəkildə hərəkət etməliyik.
Bakıda və daha sonra mövsümün gedişində yeni əşyalarımız olacaq, lakin avtomobilin bu versiyasında xal qazanmağımız vacibdir”.
